Udaleku irekietako begirale izateko izen-ematea, hilaren 12ra arte
Gazte Informazio Bulegotik pasatu behar dute interesdunek; atal teorikoa eta praktikoa izango dituzte kontuan Uztailerako udalak antolatzen dituen udaleku irekietarako begiraleak behar direla jakinarazi dute: «Talde arruntentzako hezitzaileak, Saharat...
Gazte Informazio Bulegotik pasatu behar dute interesdunek; atal teorikoa eta praktikoa izango dituzte kontuan
Uztailerako udalak antolatzen dituen udaleku irekietarako begiraleak behar direla jakinarazi dute: «Talde arruntentzako hezitzaileak, Saharatik datozen haurren taldearentzako hezitzailea eta behar bereziak dituzten haurrentzako beste bat behar dira». Interesdunek izena emateko epea irekita dute, larunbatera arte.
Gazte Informazio Bulegotik pasatu behar dute izena ematera interesdunek, Mendiburu kaleko 5. zenbakitik, astelehenetik ostiralera 17:30etik 19:30era eta larunbatetan, 10:00etatik 13:30era.
Udalak jakinarazi duenez, hezitzaileen aukeraketan kontuan hartuko dituzte atal praktikoa eta teorikoa: «Atal praktikoan, kurrikuluma baloratuko da eta atal teorikoan, Abaraxka ludotekan egin beharko den saio bat». Oiartzueraren ahozko eta idatzizko erabilera ere baloratuko dute.
Horrez gain, udalak iragarri du udaleku irekietan izena ematen dutenen lan poltsa beste hainbat egitasmotan sor daitezkeen beharrak betetzeko erabili dezakeela.
