Paz Andrade gogoan izango dute Letras Galegasen
Asteburu honetan Asier Altunaren eta Telmo Esnalen azken lanak proiektatuko dituzte pilotalekuan Datorren asteburuan eta hurrengoan ospatuko du Pasaiako Fato Cultural Galegoak Letras Galegas egitasmoa. Ohi bezala, bertako eta Galiziako kulturako hainbat jarduera uztartu dituzte egitarauaren barruan, horixe baita Fatoaren helburuetako bat: Galiziako kultura bultzatu eta Galiziako eta Euskal Herriko kulturaren arteko harremana sendotu. Letras Galegas urtero ospatzen du Pasaiako galiziarren komunitateak, eta urtero, Galiziako kulturan garrantzia izan duen pertsonaren bat ekartzen dute gogora. Hala, aurten, Paz Andrade, idazle, politikari, legelari eta Galiziako abertzalea omenduko dute. Aurtengo egitarauan zinemak toki nabarmena du, hiru proiekzio iragarri baitituzte. Asteburu honetan Asier Altunaren eta Telmo Esnalen azken lanak proiektatuko dituzte, kalean, eta hilaren 18an, berriz, filma galizieraz, Udal Aretoan. Castelaori omenaldia Hitzaldi bat ere izango da, eta, liburu aurkezpena, Sergio Balchana Outeiral eta Sancho de Beurkoko ikerlarien eskutik. Azken egunean Daniel Castelao omenduko dute, Arrantzaleen auzoan. Egitaraua Etzi. Urteberrion amona, 22:00etan, pilotalekuan Etzidamu. Bertsolari. 22:00etan, frontoian. Hilak 18. Os Crebinsky. (Galizieraz), 20:00etan, Udal Aretoan. Hilak 19. Os galegos na defensa de Guipúscoa hitzaldia eta Los sovieticos en el gobierno provisional de Euzkadi liburuaren aurkezpena, 12:00etan, Udal Aretoan. Hilak 20. 11:00etan, meza galizieraz, Arrantzaleen auzoan. 11:45ean, Daniel Castelaori omenaldia, auzo berean, bere izena daraman [...]
Asteburu honetan Asier Altunaren eta Telmo Esnalen azken lanak proiektatuko dituzte pilotalekuan
Datorren asteburuan eta hurrengoan ospatuko du Pasaiako Fato Cultural Galegoak Letras Galegas egitasmoa. Ohi bezala, bertako eta Galiziako kulturako hainbat jarduera uztartu dituzte egitarauaren barruan, horixe baita Fatoaren helburuetako bat: Galiziako kultura bultzatu eta Galiziako eta Euskal Herriko kulturaren arteko harremana sendotu.
Letras Galegas urtero ospatzen du Pasaiako galiziarren komunitateak, eta urtero, Galiziako kulturan garrantzia izan duen pertsonaren bat ekartzen dute gogora. Hala, aurten, Paz Andrade, idazle, politikari, legelari eta Galiziako abertzalea omenduko dute.
Aurtengo egitarauan zinemak toki nabarmena du, hiru proiekzio iragarri baitituzte. Asteburu honetan Asier Altunaren eta Telmo Esnalen azken lanak proiektatuko dituzte, kalean, eta hilaren 18an, berriz, filma galizieraz, Udal Aretoan.
Castelaori omenaldia
Hitzaldi bat ere izango da, eta, liburu aurkezpena, Sergio Balchana Outeiral eta Sancho de Beurkoko ikerlarien eskutik. Azken egunean Daniel Castelao omenduko dute, Arrantzaleen auzoan.
Egitaraua
Etzi. Urteberrion amona, 22:00etan, pilotalekuan
Etzidamu. Bertsolari. 22:00etan, frontoian.
Hilak 18. Os Crebinsky. (Galizieraz), 20:00etan, Udal Aretoan.
Hilak 19. Os galegos na defensa de Guipúscoa hitzaldia eta Los sovieticos en el gobierno provisional de Euzkadi liburuaren aurkezpena, 12:00etan, Udal Aretoan.
Hilak 20. 11:00etan, meza galizieraz, Arrantzaleen auzoan. 11:45ean, Daniel Castelaori omenaldia, auzo berean, bere izena daraman kalean.
