Judoka alebinek zortzi domina lortu dituzte Gipuzkoako Txapelketan
Judoko Alebinen Gipuzkoako Txapelketa jokatu zuten asteburuan Hernaniko kiroldegian. Oarsoladeko Allerru eta Donibane taldeek, zein Hondarribiko Ama Guadalupekoak paper txukuna bete zuten Hernaniko tatamian. Oarsoaldetik joandako ordezkaritzari dagokionez, bi urrezko domina eskuratu zituzten. Lorea Etxabe 52 kiloz azpiko kategorian lehiatu zen, lehen aldiz. Iazko txapelketako finalean garaitu zuen arerioarekin topatu zen lehenengo borrokaldian, eta aurten bai, Etxabek irabaztea lortu zuen. Bigarren kanporaketa hamar segundotan gainditzea lortu zuen, eta finalean Usurbil Judo Taldeko judoka bat gainditu zuen. Maddi Lertxundi 34 kiloz azpiko kategorian izan zen nagusi, bigarren urtez jarraian. Finalaurrekoa eta finala ippon bidez irabazi zituen. Ohier Urbietak, bestalde, zazpigarren postua eskuratu zuen jokatu zuen lehenengo txapelketan. Taldeko arduradunak pozik daude lortutako emaitzekin. Adierazi dutenez, taldeko bi kide finalera iristea, bi urtez jarraian, “ez da kasualitatearen emaitza”. Taldeko haurren gurasoen zein beste laguntzaileen babesa eskertu dute. Hondarribiarrek, hiru urre Oarsoaldeko taldeetako judokez gain, Bidasokoek ere paper txukuna bete zuten Hernaniko kiroldegian. Horrela, urrezko hiru domina eraman zituzten Hondarribira Ama Guadalupekoa taldekoek. Maialen Alza, Gorka Mondia eta Jon Pascual izan ziren podiumeko lehenengo mailara igo zirenak. Beste hiru judokek ere eskuratu zuten domina. Hala, Oier Goikoetxeak zilarrezkoa zintzilikatu zuen lepotik, eta Unai Bermejok eta Gorka Aranbarrik brontzezkoa. Bestalde, Lidia Yarza hautatu [...]
Judoko Alebinen Gipuzkoako Txapelketa jokatu zuten asteburuan Hernaniko kiroldegian. Oarsoladeko Allerru eta Donibane taldeek, zein Hondarribiko Ama Guadalupekoak paper txukuna bete zuten Hernaniko tatamian.
Oarsoaldetik joandako ordezkaritzari dagokionez, bi urrezko domina eskuratu zituzten. Lorea Etxabe 52 kiloz azpiko kategorian lehiatu zen, lehen aldiz. Iazko txapelketako finalean garaitu zuen arerioarekin topatu zen lehenengo borrokaldian, eta aurten bai, Etxabek irabaztea lortu zuen. Bigarren kanporaketa hamar segundotan gainditzea lortu zuen, eta finalean Usurbil Judo Taldeko judoka bat gainditu zuen.
Maddi Lertxundi 34 kiloz azpiko kategorian izan zen nagusi, bigarren urtez jarraian. Finalaurrekoa eta finala ippon bidez irabazi zituen. Ohier Urbietak, bestalde, zazpigarren postua eskuratu zuen jokatu zuen lehenengo txapelketan. Taldeko arduradunak pozik daude lortutako emaitzekin. Adierazi dutenez, taldeko bi kide finalera iristea, bi urtez jarraian, “ez da kasualitatearen emaitza”. Taldeko haurren gurasoen zein beste laguntzaileen babesa eskertu dute.
Hondarribiarrek, hiru urre
Oarsoaldeko taldeetako judokez gain, Bidasokoek ere paper txukuna bete zuten Hernaniko kiroldegian. Horrela, urrezko hiru domina eraman zituzten Hondarribira Ama Guadalupekoa taldekoek. Maialen Alza, Gorka Mondia eta Jon Pascual izan ziren podiumeko lehenengo mailara igo zirenak. Beste hiru judokek ere eskuratu zuten domina. Hala, Oier Goikoetxeak zilarrezkoa zintzilikatu zuen lepotik, eta Unai Bermejok eta Gorka Aranbarrik brontzezkoa.
Bestalde, Lidia Yarza hautatu dute Espainiako selekzioarekin lehiatzeko. Zehazki, hilaren 19an Polonian jokatuko duten Europa Cupen parte hartzeko hautatu dute Yarza.
Azkenik, Euskal Judo Federazioak gerriko beltzen azterketa egin zuen Tolosan. Aritz Sagarzazu Gil hondarribiarrak azterketa gainditu zuen, lehenengo dan-a eskuratuta.
