III. Errepublikaren aldeko udalerrien sarera batu da Pasaia
Pasaiako Ezkerrak proposatutako mozioa onartu du Udalbatzak, Bilduk emandako babesarekin Pasaiako Ezkerrak poza agertu du Udalbatzak bere egin duelako Pasaia III. Errepublikaren aldeko udalerrien sarean txertatzeko eskatzen zuen mozioa. Pasaiako Ezkerr...
Pasaiako Ezkerrak proposatutako mozioa onartu du Udalbatzak, Bilduk emandako babesarekin
Pasaiako Ezkerrak poza agertu du Udalbatzak bere egin duelako Pasaia III. Errepublikaren aldeko udalerrien sarean txertatzeko eskatzen zuen mozioa. Pasaiako Ezkerraren arabera, Pasaia izan da, Ondarroaren (Bizkaia) atzetik, Euskal Autonomia Erkidegoan sarean txertatu den bigarren udalerria, eta Gipuzkoako lehena.
Pasaiako Ezkerrak aurkeztutako mozioak Bilduren babesa jaso du; PSE-EE abstenitu egin da, eta PPk eta EAJk kontra bozkatu dute. PSE-EEren Bixen Itxasok alde egin zuen botazioaren unean, eta bere jarrera kritikatu du Pasaiako Ezkerrako zinegotzi Xabier Pombok: «Agerian utzi du ordezkari sozialisten eta bere alderdiko boto emaileen arteko distantzia, azken horiek beti egin dutelako bat errepublikaren aldarriekin».
Mozioak egungo marko politiko-jurikoa «agortuta» dagoela defendatzen du, eta herritarrei dei egiten die Espainiako Konstituzioaren erreforma eska dezaten. Era berean, erreferenduma eskatzen du, «herritarrek beren boto demokratikoen bidez erabaki dezaten zein den Espainiako Estaturako nahiago duten estatu eredua».
Elizak Ondasun Higiezinen Gaineko zerga ordain dezala eskatu du, era berean, Pasaiako Udalbatzak, Pasaiako Ezkerraren ekimenez eta Bilduk babestuta.
