Belaunaldien arteko jaia egingo dute hilaren 19an
Errenteriako erretiratuen elkarteek belaunaldien arteko jaia antolatu dute hilaren 19rako (larunbata), Gizarte Zerbitzuen Sailarekin batera. Goizetik hasi eta egun osoz hainbat ekimen prestatu dituzte antolatzaileek jai egun horretarako. Eguraldi ona e...
Errenteriako erretiratuen elkarteek belaunaldien arteko jaia antolatu dute hilaren 19rako (larunbata), Gizarte Zerbitzuen Sailarekin batera. Goizetik hasi eta egun osoz hainbat ekimen prestatu dituzte antolatzaileek jai egun horretarako.
Eguraldi ona eginez gero, San Markoko zelaian bertan egingo dute jaialdia, antolatzaileek zehaztu dutenez: “Txarra egiten badu, berriz, gotorlekuko goiko solairuan egingo ditugu prestatu ditugun ekimenak”, gaineratu dute.
Bestalde, belaunaldien arteko jaia Errenteria-Oreretako erretiratu elkarte guztietako bazkide eta haien senideen arteko “topagunea” izan nahi duela zehaztu dute antolatzaileek, “batez ere biloben kasuan”. Horrenbestez, erretiratuak zein senideak egun osoa iruango duen festan parte hartzera deitu dituzte.
Egitaraua
- 11:00etan. Harrera.
- 11:30ean. Helduentzako jokoen zirkuituaren hasiera.
- 12:00etan. Gazteentzako jokoak.
- 16:00ean. Tute txapelketa.
- 17:00etan. Dantzaldia.
- 18:00etan. Sari banaketa irabazleei.
- 19:00etan. Jaiaren amaiera.
