Gutuna: “Ares jaunari”
Iñigo Cabacasi gertatutakoa presente dagoenean, Errenterian, beste Iñigo bat inolako arrazoirik gabe modu basatian jipoitu zuten lau ertzainek apirilaren 14ko gauean. Antza denez, gau horretan norbait txikitzeko gogoa zeukaten (ze ausartak lau baten ...
Iñigo Cabacasi gertatutakoa presente dagoenean, Errenterian, beste Iñigo bat inolako arrazoirik gabe modu basatian jipoitu zuten lau ertzainek apirilaren 14ko gauean. Antza denez, gau horretan norbait txikitzeko gogoa zeukaten (ze ausartak lau baten kontra, eta gainera, armatuak). Iñigorekin batera beste gazte bat ere erasotua izan zen.
Balentria horrekin nahikoa ez, eta atxilotuta eraman zuten, eta jotzen jarraitu zuten ertzainen ibilgailuan, gorputza erabat kolpatua eta ubeldua utzita. Hainbestekoa izan zen ertzainek Iztietako anbulatoriora eraman behar izan zutela lesioen larritasunaren ondorioz, eta horrenbestez, medikuak gaixo agiria eman behar izan zion.
Amorru eta inpotentziatik galdera asko bururatzen zaizkigu, batik bat, bat: hau zer da zaintzen gaituen polizia ala berarengatik babestu behar duguna?
Zorionez, gertakizuna tokian bertan zeuden lekuko batzuek grabatuta dago, eta zuk ez bezala guk, uzten bagaituzte, bukaeraraino heltzen saiatuko gara gertaera argitzeko.
Azkenik, Ares jauna, lotsa eta duintasun pixka bat edukiko bazenu, aspaldi dimititu behar zenuke benetako herrialde demokratikoetan bezala.
Anne Gajate Gago. Errenteria-Orereta.
