Errenteriako Dantzari Txiki Egunean, 400 dantzari
Dena prest dago Errenteria-Oreretan gaurko Dantzari Txiki Egunerako, eta aurten 400 dantzari bilduko dira haurren dantza festa handian. Sagardo Egunarekin ikusitakoak ikusita, zerura begira ariko dira antolatzaileak. Hala ere, gaur ez duela euri gehieg...
Dena prest dago Errenteria-Oreretan gaurko Dantzari Txiki Egunerako, eta aurten 400 dantzari bilduko dira haurren dantza festa handian. Sagardo Egunarekin ikusitakoak ikusita, zerura begira ariko dira antolatzaileak. Hala ere, gaur ez duela euri gehiegi egingo iragarri dute adituek. Ekintza guztiak kalean egingo dituzte, baina euria eginez gero, alternatiba ere badute: Galtzarabordako kiroldegia.
Ekitaldi nagusia eguerdian Zumardian egingo dutena izango da. Hain zuzen, hamabi dantzako egitaraua prestatu dute: agurra eta San Juan, Getaria, Iruñea, Abaltzisketako txantxoak; Zapatagin dantza; Txulalai; Makil txiki berria; Jorrai dantza (mutilak); boastitzea (neskak); uztai txiki (mutilak) eta fandago eta arin-arina.
Honakoak dira parte hartuko duten talde guztiak, desfilean aterako diren ordenaren arabera: Errenteria Musikal (Errenteria-Orereta), Getaria (Getaria, Lapurdi), Amaiur (Iruñea), Lurra (Urretxu), Ttarla (Hernani), Udaberri (Tolosa, Gipuzkoa), Murixka (Lezo), Aurtzaka (Beasain) eta Erketz (Lasarte-Oria).
Txistulariak
Gaur bertan Ereintzako Txistulari Beteranoen Bandak kontzertua emango du, 13:00etan, Alondegian. Aurretik, berriz, diana egingo dute txistulariek.
Egitaraua
- 10:30. Taldeen kontzentrazioa eta hamaiketakoa, Koldo Mitxelena plazan.
- 11:30. Desfilea.
- 12:30. Emanaldia, Zumardian.
- Bazkaria: haurrak herriko elkarteetan eta antolatzaileak Landaren.
- 16:30. Musika Modestorekin
