Haurtzaroko ‘Txinpart’ aldizkariak 52. zenbakia du dagoeneko
Bigarren hiruhilabeteko lanekin osatu dute aldizkaria; euskarak, ikasleen lanek eta inauteriek badute tokia Haurtzaro Ikastolak Txinpart aldizkaria kaleratzen du hiru hilabetero. Dagoeneko 52. zenbakia argitaratu du, «negu partean egindako zenbait lan...
Bigarren hiruhilabeteko lanekin osatu dute aldizkaria; euskarak, ikasleen lanek eta inauteriek badute tokia
Haurtzaro Ikastolak Txinpart aldizkaria kaleratzen du hiru hilabetero. Dagoeneko 52. zenbakia argitaratu du, «negu partean egindako zenbait lanekin». Bigarren hiruhilabetearen berri jaso dute bertan.
Haurtzaro Informatzen izeneko atalak irekitzen du, ohi bezala, aldizkaria. Lehen orrian, June Garcia dute gogoan, ikasle izandako haurra. Euskararen Txokoa, Hatzak bete Lan, Inauteriak, eta Gu ere kazetari atalak datoz ondoren.
Euskararen alde egindako lana jaso dute lehenengoan, bereziki, Euskaraz Bizi egitasmoaren bigarren kanpaina. Ikasleen lanak jaso dituzte, berriz, bigarrenean. Inauterietako argazkiak ere jaso dituzte, erdiko orrialdeetan, kolore biziekin. Eta Gu ere kazetari txokoan, ikasleek egindako erreportaje eta elkarrizketak daude, DBHko ordezkarien galdera-erantzunak, esaterako.
