Lurraldebus txartela hasi dira erabiltzen herriko autobusetan
Gaurtik aurrera Lurraldebus txartela erabil daiteke hiri barruko autobusetan. Autobusetako gidariek azaldu dutenez, gaur, oraindik, ez dute herritarrek txartela askorik erabili, baina jendea jakitun zen duela egun batzuetatik aldaketaren bat egongo zel...
Gaurtik aurrera Lurraldebus txartela erabil daiteke hiri barruko autobusetan. Autobusetako gidariek azaldu dutenez, gaur, oraindik, ez dute herritarrek txartela askorik erabili, baina jendea jakitun zen duela egun batzuetatik aldaketaren bat egongo zela. “Makinen oinarriak jarrita zeuden aurretik, eta jendea galdezka zebilen noiz jarriko zuten martxan”, esan du Jose Luis Garcia gidariak. Gaur, berriz, prezioengatik eta aldaketengatik galdetu dietela gaineratu du.
Erabiltzaileak, oro har, pozik agertu dira aldaketekin, garraio zerbitzu bakoitzari dagokion txartela erabili beharrean guztietarako nahikoa izango baitute txartel bera. Horrez gain, “merkeago” izango dela iritzi diote. Hala ere, ekimen berriarekin ados ez daudenik ere egon da. Izan ere, maiatzaren 31tik aurrera ez dute bonobusa erabiltzerik izango. Bonobus batekin bakarrik, baina, erabiltzaile baten baino gehiagoren bidaia ordaintzeko aukera dago, eta ezin da gauza bera egin Lurraldebus txartelarekin.
Oraindik zalantza ugari dituzte gehienek, baina erabili ahala argituz joan beharko dute.
