Igoera faserako prest da Ereintza
Larunbatean ligako azken partidua jokatu zuen Ereintza BM Colindresen kontra. Antolatzaileek festa izatea nahi zuten, eta hala izan zen emaitza erosoarekin irabazi baitzuen: 34-11. Lehenengo zatian bikain aritu zen Ereintza, hutsik egin gabe eta 15-4 i...
Larunbatean ligako azken partidua jokatu zuen Ereintza BM Colindresen kontra. Antolatzaileek festa izatea nahi zuten, eta hala izan zen emaitza erosoarekin irabazi baitzuen: 34-11. Lehenengo zatian bikain aritu zen Ereintza, hutsik egin gabe eta 15-4 iritsi zen atsedenaldira. Gainera, Colindreseko aurrelari bat kaleratu egin zuen epaileak zuzenean txartel gorria aterata: Iker Garmendia Ereintzako jokalariari sarrera gogorra egin zion.
Bigarren zatia ere antzekoa izan zen. Hori bai, akats gehiago egin zituen Ereintzak, jokaldi ikusgarriak egiten saiatu baitzen.
Partidan zehar giro ona nagusitu zen, eta gainera, musikak lagunduta, Amulletako tanbor kofradia eta Ereintzako txaranga bertan baitziren.
Partida festa izan bazen Ereintzarentzat, kontrakoa izan zen Colindresentzat: mailaz jaitsi baitzen.
Orain mailaz igotzeko faseari begira jarri dira: gaur bertan bukatuko da izena emateko epea, eta horrenbestez, ez dakite noren kontra jokatu beharko duten.
