Hauteskundeetarako bi bozka bulego berri jarriko dituzte
2012ko hauteskundeei begira Hendaiako Herriko Etxeak bi hautes bulego berri sortu ditu, “bozka bulegoetan hautesle kopurua orekatzeko gisan”. Daniel Ugarte pilotalekuan eta Lizardiko Ama-eskolan jarriko dituzte bulego berriak. Horren eragin...
2012ko hauteskundeei begira Hendaiako Herriko Etxeak bi hautes bulego berri sortu ditu, “bozka bulegoetan hautesle kopurua orekatzeko gisan”. Daniel Ugarte pilotalekuan eta Lizardiko Ama-eskolan jarriko dituzte bulego berriak. Horren eraginez, zenbait hautesleren bozkatzeko lekua aldatuko da eta Herriko Etxetik dei egin diete herritarrei haien bulegoa zein den ziurtatzeko: “Begiratu behar duzue ezazu jaso berri edo laster jasoko duzuen hautesle-txartel berrian. Bozka bulegoaren helbidea txartelaren goiko partean agertzen da”, azaldu dute.
Hendaiako bozka bulegoak:
- 1. bulegoa: Herriko Etxean. Errepublika Plaza.
- 2. bulegoa: Hondartzako lehen mailako eskolan. Elorri Xuri karrika, 10
- 3. bulegoa: Geltokiko lehen mailako eskolan. Doleak karrika, 2
- 4. bulegoa: Intzurako 1. mailako eskolan. Richelieu karrika
- 5. bulegoa: Lizardiko 1. mailako eskolan. Antsoborlo bidea
- 6. bulegoa: Aizpurdi Lizeo Profesionalean. Hostailbideak etorbidea, 1
- 7. bulegoa (berria): Daniel Ugarte pilotalekuan. Pellot Plaza
- 8. bulegoa (berria): Lizardiko Ama-eskolan. Enperadore etorbidea, 129
Hilaren 22an iraganen da Presidentetzarako hauteskundeen lehen itzulia (bigarren itzulia maiatzaren 6an izanen da). Bozka bulego berriak Legebiltzarreko hauteskundeetan ere eragina izanen dute: ekainaren 10ean izanen da lehen itzulia eta hil horren 17an bigarrena.
