Gaur goizean hasiko da Ogasuneko ustezko iruzurraren epaiketa
Irungo Ogasuneko ustezko iruzurraren inguruko epaiketa gaur goizean hasiko da, Donostiako Lurralde Auzitegian, eta hilabete inguru iraungo du. 80 lekukok parte hartuko dute. Jose Maria Bravo Irungo Ogasuneko zuzendari ohia, Maria Rosa Cobos haren emaz...
Irungo Ogasuneko ustezko iruzurraren inguruko epaiketa gaur goizean hasiko da, Donostiako Lurralde Auzitegian, eta hilabete inguru iraungo du. 80 lekukok parte hartuko dute. Jose Maria Bravo Irungo Ogasuneko zuzendari ohia, Maria Rosa Cobos haren emaztea eta Pedro Maria Atristain Bravoren bazkidea dira akusatuak. Bravorentzat 24 urteko zigorra eskatu du Fiskaltzak sei delitu egotzita; tartean daude dirua desbideratzea, dirua zuritzea eta iruzur egitea. Cobosentzat, berriz, hamar urte eskatu dituzte, eta urte eta erdiko zigorra Atristainentzat.
Bravori ia bi milioi euroz jabetu izana leporatzen diote. Ustez, Ogasunarekin zorrak zituzten lagunekin harremanetan jartzen zen, eta ordainarazi egiten zien, baina ondoren diruarekin geratzen zen.
