Eglantinsek lehen postuan amaitu nahi du liga
Akitaniako Promozio Ligan jokatzen duen Eglantins taldeak ez dio uko egin sailkapeneko lehen postuari. Hendaiarrak bigarren dira, 58 punturekin, Lons liderrak baino lau gutxiago. Bi taldeek sendo eusten diete haien helburuei, eta asteburuan garaipen ba...
Akitaniako Promozio Ligan jokatzen duen Eglantins taldeak ez dio uko egin sailkapeneko lehen postuari. Hendaiarrak bigarren dira, 58 punturekin, Lons liderrak baino lau gutxiago. Bi taldeek sendo eusten diete haien helburuei, eta asteburuan garaipen bana lortu dituzte etxean, emaitza berarekin gainera (5-1); Eglantinsek Ste Helene menderatu zuten atzo, eta Lonsek St Bruno Union taldea, herenegun.
Liga erregularra lehen postuan amaitzeko, geratzen diren hiru partidak irabazi beharko lituzke Eglantinsek, eta liderrak horietako bat galdu eta gutxienez beste bat berdindu. Ez dirudi erreza. Nolanahi ere Eglantinsek Lonsek baino norgehiagoka errazagoak ditu: Hendaiarrek St Symphoriem (sailkapeneko azkena da), Violette Aturine (bederatzigarrena) eta St Brunoren (zazpigarrena) kontra jokatuko dute hurrenez hurren; eta Lonsek, aldiz, Born (bosgarrena), Siros (hirugarrena) eta Cazaux (zortzigarrena) izango ditu aurkari.
20. jardunaldiko partida St Symphorien taldearen aurka jokatuko du Hendaiako Eglantinsen lehen taldeak, kanpoan. Igandean izanen da, 15:30ean hasita.
