Taxoareko mendilerroa zeharkatuko dute etzi Jaizkibelekoek
Iruñerriko Itzuliaren barruko hirugarren etapa osatuko dute, Labiotik irten eta Arlegin bukatuz Aste Santuko etenaldiaren ondoren Jaizkibel Mendizale Taldekoek berriro ekingo diote mendi irteerak egiteari. Lehenbizikoa etzi dute, eta Iruñerriko Itzul...
Iruñerriko Itzuliaren barruko hirugarren etapa osatuko dute, Labiotik irten eta Arlegin bukatuz
Aste Santuko etenaldiaren ondoren Jaizkibel Mendizale Taldekoek berriro ekingo diote mendi irteerak egiteari. Lehenbizikoa etzi dute, eta Iruñerriko Itzuliaren barruko hirugarren etapari dagokiona izango da.
Oraingoan, Labio eta Arlegi (Nafarroa) arteko bidea osatuko dute, Taxoareko mendilerroa zeharkatzen duen GR-220tik. Guztira, 13,52 kilometro osatuko dituzte, 342 metroko gora-beherarekin.
Mendi ibilaldia bukatuta, Uharteko kiroldegian bazkalduko dute, 15 euroren truke.
Autobusak 06:45ean jasoko ditu Errenteriako mendizaleak Iztietan, eta 07:00etan, antxotarrak.
Izena emateko bihar pasatu behar da Antxoko Oarso kalean taldeak duen egoitzatik, 20:00etatik aurrera, edo telefonoz dei daiteke, 943 51 47 00 zenbakira. Ibilaldiaren gaineko xehetasun gehiago www.jaizkibelmt.tk webgunean.
