Irrien Lagunak ekimena hasi da forma hartzen Oarsoaldean. Larunbatean, hain zuzen, ehun heldu eta 50 haur elkartu ziren Merkatuzarren proiektua eraikitzen segitzeko. Helburua, behintzat, argi zuten: balioetan hezitzailea izango den aisia egitaraua prestatzea.
Hiru taldetan bildu ziren parte hartzaileak. Haur txikienak jolasean ibili ziren; ertainak, berriz, euren gustuak kontuan izanda, aisia eskaintza hobetzeko ideiak proposatu zituzten marrazkien bidez: lorategiak, futbol zelaiak eta antzeko ideiak atera ziren.
Helduak, berriz, zortzi taldetan banatu zituzten, eta eskualdeko udaletako teknikariekin batera egon ziren euren proposamenak osatzen. Lau gai zituzten lantzeko: aisia hezitzailea, partaidetza, euskara eta auzolana. Gai bakoitzeko bina galdera planteatu zizkieten: horiek zer diren eta nola aplika daitezkeen. Ideiak botatzen joan ziren, eta denak batu zituzten arbel batean.
Udazkenean, jaia
Bi prosamen zehatz dagoeneko aurrera atera dira: iraila-urria inguruan jai bat egitearena, eta herri bakoitzean ikasturte oso bat iraungo duen aisia egitaraua martxan jartzea. “Edukia eta egiteko modua erabat lotuta ditu egitasmoak: hezitzailea izango da, eta egiteko modua parte hartzailea, irekia eta inklusiboa”, azaldu dute parte hartzaileek.
Batzar horretan, hurrengo bilera batera ere deitu zuten, nahiz eta eguna ez zehaztu; Aste Santuko oporrak eta gero izango da.
Larunbatekoa, ez zen lehena izan, otsaila bukaeran eta martxoa hasieran herriz herriko aurkezpenak egin zituztelako. 130 lagun inguru bildu ziren batzarretan, eta horietatik 120 parte hartzeko prest azaldu ziren.
Eskualdeko ekimenaren atzean daude, hain zuzen, Irrien Lagunak Kluba eta Sorguneak ikertegia. Lehenegoa orain dela hiru urte hasi zen martxan, “umeei aisiarako euskarazko produktuak eskaintzeko asmoz”. Bigarrena, berriz, Mondragon Unibertsitateko HUHEZI fakultateko ikerketa taldea da.
Irrien Lagunak ekimena hasi da forma hartzen Oarsoaldean. Larunbatean, hain zuzen, ehun heldu eta 50 haur elkartu ziren Merkatuzarren proiektua eraikitzen segitzeko. Helburua, behintzat, argi zuten: balioetan hezitzailea izango den aisia egitaraua prestatzea.
Hiru taldetan bildu ziren parte hartzaileak. Haur txikienak jolasean ibili ziren; ertainak, berriz, euren gustuak kontuan izanda, aisia eskaintza hobetzeko ideiak proposatu zituzten marrazkien bidez: lorategiak, futbol zelaiak eta antzeko ideiak atera ziren.
Helduak, berriz, zortzi taldetan banatu zituzten, eta eskualdeko udaletako teknikariekin batera egon ziren euren proposamenak osatzen. Lau gai zituzten lantzeko: aisia hezitzailea, partaidetza, euskara eta auzolana. Gai bakoitzeko bina galdera planteatu zizkieten: horiek zer diren eta nola aplika daitezkeen. Ideiak botatzen joan ziren, eta denak batu zituzten arbel batean.
Udazkenean, jaia
Bi prosamen zehatz dagoeneko aurrera atera dira: iraila-urria inguruan jai bat egitearena, eta herri bakoitzean ikasturte oso bat iraungo duen aisia egitaraua martxan jartzea. “Edukia eta egiteko modua erabat lotuta ditu egitasmoak: hezitzailea izango da, eta egiteko modua parte hartzailea, irekia eta inklusiboa”, azaldu dute parte hartzaileek.
Batzar horretan, hurrengo bilera batera ere deitu zuten, nahiz eta eguna ez zehaztu; Aste Santuko oporrak eta gero izango da.
Larunbatekoa, ez zen lehena izan, otsaila bukaeran eta martxoa hasieran herriz herriko aurkezpenak egin zituztelako. 130 lagun inguru bildu ziren batzarretan, eta horietatik 120 parte hartzeko prest azaldu ziren.
Eskualdeko ekimenaren atzean daude, hain zuzen, Irrien Lagunak Kluba eta Sorguneak ikertegia. Lehenegoa orain dela hiru urte hasi zen martxan, “umeei aisiarako euskarazko produktuak eskaintzeko asmoz”. Bigarrena, berriz, Mondragon Unibertsitateko HUHEZI fakultateko ikerketa taldea da. 
