220 zuhaitz berri landatuko dituzte Belaunaldien Basoan
Zuhaitzaren Egunaren bosgarren ekitaldia egingo dute datorren larunbatean, eta horren barruan, 220 zuhaitz berri landatuko dituzte Arramendiko hegian sortutako Belaunaldien Basoan. Aurten hamar espezietako zuhaitzak landatuko dituzte iaz jaiotako hau...
Zuhaitzaren Egunaren bosgarren ekitaldia egingo dute datorren larunbatean, eta horren barruan, 220 zuhaitz berri landatuko dituzte Arramendiko hegian sortutako Belaunaldien Basoan.
Aurten hamar espezietako zuhaitzak landatuko dituzte iaz jaiotako haurrek haien gurasoen laguntzarekin. Besteak beste, haritza, artea, elorria eta sagarrondoa.
Berritasunik ekarriko du, bestalde, aurtengo Zuhaitz Egunak, Jose Manuel Ferradas Ingurumen zinegotziak nabarmendu duenez: “Haurren izenarekin jartzen ziren plakak kendu egin ditugu, hondatu egiten zirelako eta horrek, itxura txarra ematen ziolako Belaunaldien Basoari”.
Horren ordez, Ingurumenaren webgunean sartuta eta haurraren izena eta abizenak jarrita, landatutako zuhaitza zehatz mehatz non dagoen jakin ahal izango dute haurrek zein gurasoek.
Zuhaitzak landatzeko lau txanda egingo dituzte. Udaltzaingoaren egoitza parean egin dute hitzordua guraso eta haurrekin, Arramendira igotzeko. Lehenengo txandakoek 10:00etan azaldu behar dute; bigarrenekoek, 10:45ean; hirugarrenekoek 11:30ean eta azkenek 12:15ean.
