
Irungo Udalak Euskararen Hilabetea ekimenaren beste ekitaldi bat abiatuko du gaur. Horretarako, hainbat antzerki, erakusketa bat eta jaialdi bat egitea aurreikusi du tokiko gobernuak. Fernando San Martin Irungo Udaleko Euskara ordezkariak jakinarazi duenez, “haurrek euskararekiko duten interesa eta jarrera areagotzeko eta hobetzeko” sortu zuten programa. Horiek horrela, txikienek hasiko dute Euskararen Hilabetea eta hortaz, Haur Hezkuntzako ikasleei zuzendutako Izarrak antzezlana ikusteko aukera izango dute gaur. Teatro Paraiso konpainiak ekoiztutako lana da Izarrak. Antzezlanak nagusi Era berean, martxoaren 28an eta 30ean izango dira hurrengo hitzorduak, Lehen Hezkuntzako bigarren zikloko ikasleei zuzendutakoa lehena eta Bigarren Hezkuntzako lehenengo ziklokoei zuzendutakoa bigarrena. Lehenek Markeliñe konpainiaren Uharte ezezaguna lana ikusteko aukera izango dute, eta keinuetan eta ikusmenean oinarritutako abentura egin ahal izango dute ikasleek. Bigarrenek, berriz, Pikor konpainiak eta Setem Gobernuz Kanpoko Erakundeak bultzatutako XL Town antzezlana ikusiko dute. Azken hori tragikomedia bat da, mendebaldeko hiritarren kontsumo ohitura konpultsiboen zein burugabeen ingurukoa. Halaber, munduko moda joerek eta kirol marka handiek dituzten jarduerak azaleratuko ditu antzezlanak. Erakusketa eta jaialdia Euskararen Hilabeteari segida emateko, Irungo ikastetxe guztietan euskaraz ekoiztutako lanekin erakusketa bat antolatuko dutela jakinarazi du tokiko gobernuak, zehaztapen gehiagorik eman gabe. Azkenik, eta ekimena bukatzeko xedearekin, jaialdia izango da martxoaren 30ean Zabaltza plazan. Urtxintxa Eskolako kideek [...]

Oiartzun Irratiko Gaurko Kirolez blai! saioan emakume kirolariak izango dira protagonista. Bi gonbidatu izango ditu Joxe Migel Lopez kirol esatariak: Maitane Azpeitia eta Oiana Blanco. Azpeitia atleta oiartzuarra da, eta Blanco judoka oriotarra. Saioa,...

Iganderako antolatu dute ibilaldia; bide osoa oinez, Eskasetik abiatu, edota bizikletaz egin, norberak aukeratuko du Girizia Mendi Elkarteak Oiartzun-Arantza irteera antolatu du iganderako (hilak 26). Animatzen direnek hiru aukera izango dituzte ibilaldi bera egiteko. Lehenengo aukera bide guztia oinez egitea da. Ibilbide osoa egin nahi dutenek, 06:30ean egon behar dute Haurtzaro Ikastolako aparkalekuan. Zazpi ordu inguruko ibilaldia egingo dute. Bigarren aukera Eskasetik hastea da. Horiek 08:00etan aterako dira ikastolatik, eta autobusean joango dira Eskasera (Artikutzako sarrerara). Handik hasiko dute Arantzarako ibilaldia, eta lau ordu eta erdi inguru tardatuko dute. Bizikletaz ere bai Hirugarren aukera ere prestatu du Giriziak. Hala, batzuk bizikletaz joango dira Oiartzundik Arantzara. Horiek ere 08:00etan aterako dira Haurtzarotik, eta honako ibilbidea egingo dute: Oiartzun, Aritxulegi, Domiko, Pagolleta, Izuko lepoa, Oilargarata, eta Arantza. Guztira 38 kilometro eta 1.300 metroko mailen arteko desberdintasuna (desnibela). Lau ordu inguruko ibilaldia da. Horri atsedenak gehitu behar zaizkio. Arantzara iritsita, Arantzako aterpean izango dute mendizaleek eta txirrindulariek bazkaria. Gainera, dutxatzeko aukera ere izango da, baita txirrinda garbitzeko aukera ere. 32 euro balio du bazkariko txartelak. Horrez gain, Giriziak jakinarazi du autobusean itzuliko direla Arantzatik bazkaldu ondoren, eta bizikletentzat tokia izango dela autobusean. 20 euro aurreratu Antolatzaileen eskariaren arabera, izena ematen dutenek 20 euro [...]

Bihar inauguratuko dute Pasai Antxoko behin-behineko osasun zentroa. Eguerdian izango da, eta udaletik dei egin diete herritarrei inaugurazio ekitaldira agertzeko. Udalak adierazi duenez zerbitzuak nabarmen egingo du hobera: “Aurretik ezagututakoarekin alderatuta, instalakuntzek hobera egingo dute dudarik gabe; eta horrek bere eragina izango du, noski, zerbitzuan”. Nolanahi ere gogoratu dute behin-behineko egitura dela. “Udal honek dagokion instituzioari herri honekin hartutako konpromisoak bete ditzan eskatzen jarraituko du”, agertu dute. Aparkatzeko proposamena Herrian aparkatzeko dauden arazoak kontuan izanik, udalak osasun zentroak zerbitzua ematen duen orduetan aparkatzeko zenbait neurri hartu ditu. Hala, astelehenetik ostiralera Usozen aparkatzea debekatuta egongo da, 08:00etatik 15:00etara. Soilik hiru ibilgailurentzako tokia izango da: anbulantzia bat, guardian dagoen medikuaren etxez etxeko zerbitzuko ibilgailua bat, eta elbarrituentzako leku bat. Ordutegi horretatik kanpo, eta asteburuetan zein jaiegunetan, bertan aparkatzea libre izatea proposatu du Pasaiako Udalak. Araudia bihartik izango da indarrean, osasun zentroaren irekitzearekin batera. Araudia errespetatzeko eskatu diete “guztion onurarako izango delakoan”.

Egoiliar txartela berritu nahi duten Portuko zein Alde Zaharreko bizilagunek horretarako aukera dute dagoeneko. Horretarako, BAZ Biztanleriaren Arreta Zerbitzura jo behar da ordainagiriarekin (postaz bidaliko zaie bizilagunei ordaindu beharrekoa). 2011...

Bihar hasiko da Espainiako Auzitegi Nazionalean, Madrilen, Joseba Agudo abokatu oreretarraren kontrako epaiketa. 2009ko urrian atxilotu zuten Hendaian, eta Alacanteko espetxean (Herrialde Katalanak) egon da orain arte, epaiketaren zain. Horren harira, Eleak eskubide zibil eta politikoen aldeko mugimenduak Agudoren absoluzioa eta epaiketa politiko guztien amaiera eskatu du, duela hilabete gazte auzipetuekin egin bezala. Hain zuzen, bi eskaera nagusi horiek egiteko, biharko elkarretaratzea antolatu du Eleak-ek, 20:00etan, Niessen merkataritza zentroaren atarian, eta herritar guztiei parte hartzeko deia luzatu die. Eleak-en iritziz, “onartezinak” dira “Euskal Herriaren aurkako gehiegikeria” horiek egungo egoera politikoan. “Benetako bake agertoki eta irtenbide demokratikorako urratsak” eman behar direla adierazi du, “legez kanpo uztearen ondorioz, egun kartzelan edota auzibidean dauden ehunka pertsonekin batera”. Epaitegietatik datozen zenbait erabaki, ordea, “bide horren aurkako logikan” daudela adierazi du, eta “justiziaren izenean, injustizia” egiten dutela. “Eskubideen aldeko harresia” Ildo horretatik, eskubide guztien aldeko harresia beharrezkotzat jo du mugimenduak, eta urraketen aurrean “herri gisa” erantzungo duela esan du, Eskubide guztiak guztiontzat lelopean. Estatuen aldeko interferentziarik ez duela onartuko ere adierazi du. Mugimenduaren esanetan, Euskal Herrian pertsonak jarduera politikoan, “eta kasu honetan jarduera juridikoan aritzeagatik soilik” atxilotu eta epaitzen dituzte: “Tamalez, Agudorena ez da bakarra: Gipuzkoan, esaterako, 111 lagun dira”. Abokatua “bere abokatu lana duintasunez [...]

Ertzaintzak 18 urteko emakume bat atxilotu du Errenteria-Oreretan, kalean aparkatuta zegoen furgoneta bat lapurtzen saiatu delakoan. Herrizaingo Sailaren arabera, harri batekin kristala hautsi, eta barrura sartzen saiatu zen atzo. Gaineratu duenez, ema...

Ur Bizietako Euskadiko Txapelketa jokatu zuten herenegun Bidasoa ibaian, eta Santiagotarrak Kirol Elkartea nagusitu zen lehian. Hala, Santiagotarrak-eko Uxue Santiagok irabazi zuen emakumeen arteko lehia, eta Jokin Sanchezek, kanoena. Horrez gain, Irun...

Auzoetako emakume elkarteek urtero karta txapelketa antolatzen dute, eta aurtengoak baditu jadanik irabazleak. Briskan lehen saria, Petra de la Fuentek eta Loli Barcenillak lortu dute; bigarren, Rosi Somoza eta Elo Rodriguez izan dira. Tutean, Antxoni ...

Golden Apple Quartet ikuskizun konpainiak Goibel antzezlana emango du larunbatean, Amaia KZn (17:00). Familia osoari zuzendutako emanaldia izango da eta bertan, Hansel eta Gretelen istorio klasikoaren adaptazio bat landuko du Errenteria-Oreretako konpainiak Amaia Kultur Zentroan. Izan ere, Goibel antzezlanak izen bereko basoan gertatutako istorioaren kontakizuna egiten du. Egurgilea haren seme-alabekin bizi da bertan, baina dena zailtzen da haurrak modu misteriotsuan desagertzen hasten direnean, basoan. Herriko jendeak egurgilea errudun jotzen du eta ondorioz, haren kontrako jarrera irekia agertzen hasten dira. Istorio klasikoa baina berritzailea.

Gaur epaituko dute Espainiako Auzitegi Nazionalean Joseba Agudo abokatu oreretarra. Fiskalak 9 urteko espetxe zigorra eskatu du, “iheslarien eta ETAko zuzendaritzaren artean zubi lanak” egitea leporatuta. Atzo, Eskubideak Euskal Herriko Abo...

Lana bilatzera joan ziren pasa den otsailaren 1ean Koldo Mitxelena ikastetxeko ikasleak Oarsoaldea Garapen Agentziaren enplegu zerbitzuetara. Lana bilatzeko nahiz hobetzeko garapen agentziaren bidez zein baliabide eduki ditzaketen jakin ahal izan zuten...

Action Painting deritzon tailerra antolatu du Bekoz Beko elkarteak. Martxoaren 10ean eta 17an egingo dituzte marrazketa mota horren tailerraren saioak, Kexaldin elkartean (Axular plazan dute egoitza). Helduei eta haurrei zuzenduta dago margoketa ikasta...

Jaizkibel Mendizale Taldeak Zuberoako Biraren barruko laugarren etapa antolatu du iganderako, hilaren 26rako. Eskiula eta Montori herrien arteko bidea egingo dute. Hemezortzi kilometroko ibilbidea da, eta antolatzaileen arabera, malda gutxi ditu. Inter...

Herenegun goizean Pasaiako portua garbitzen duen ontziak hildako gizon baten gorpua aurkitu zuen Trintxerpeko ontziralekuaren ondoan. Guardia Zibilak emandako datuen arabera, Farillon ontziko arrantzalea da hildakoa. Galiziako Celeiro (Lugo) herrikoa d...

Igandean egingo dute eta ikastolan apuntatu behar da; aldatzeko arropa eramatea gomendatu dute Haurtzaro Ikastolako Mendi Taldearen hurrengoa irteera, hilaren 26an izango da (igandean): Elurretxe-Irustako urjauzia-Ibarla egingo dute, 08:00etan Haurtzar...

Irungo Udalak jakinarazi duenez, TAOko langileek greba egin zuten garaiko dirua itzuliko die egoiliar txartela duten herritarrei. Greba 2011ko bost hilabeteetan zehar luzatu zen, eta beraz, egoiliar txartela ordaindu zuten herritarrek kaltea pairatu zu...

Millesime klubak Cruzcampo Gran Reserva konpainiarekin elkarlanean, Chef Millesime saria antolatu du hirugarren aldiz, eta Iñigo Lavado sukaldaria eta irundarraren jatetxea sarirako hautagai gisa izendatu dute. Hala, irabazlea aukeratu aurretik, beste proba bat gainditu beharko dute hautagaiek, eta Lavadoren kasuan, 80 eta 100 bitarteko lagunentzako bazkaria prestatu beharko du, martxoaren 13an. Proba hori gaindituz gero, maiatzaren 28an Madrilen izango den finalean parte hartuko du irundarrak. Chef Millesime Saria Millesime klubak eta Cruzcampo Gran Reserva konpainiak bultzatutako saria, erreferentziazkoa bihurtzen ari da Espainiako estatuan. Hala, Espainiako Gastronomia Akademiako Rafael Anson presidentea epaimahaiko burua izango da, eta harekin batera, sektoreko hainbat kazetarik ere parte hartuko dute. Horiek horrela, Iñigo Lavado beste zazpi sukaldariekin batera lehiatuko da; besteak beste: Mario Sandoval (Choque, Madril); Pepe Solla (Casa Solla, Galizia); Francis Paniego (Etxaurren, Errioxa); Paco Perez (Miramar eta The Mirror, Herrialde Katalanak); Juanjo Perez eta Yolanda Leon (Cocinandos, Gaztela); Kisko Garcia (Choco, Kordoba) eta Jorge Breton (La Sucursal, Herrialde Katalanak). Gastronomia deialdia, Galizian Bestalde, otsailaren 26tik 28ra bitartean, Santiagoko Forum Gastronomikoan izango da Iñigo Lavado sukaldaria. Bertan, Dialogo. Conceptos singulares, marcas y tendencias, hitzaldian parte hartuko du irundarrak. Iago Pazos sukaldari galiziarra eta Sergi Arola katalanarekin batera emango du hitzaldia, hilaren 27an, astelehenarekin.