Turismoak gora egin du Irunen eta Hondarribian
Irungo eta Hondarribiako hotelek %58,6ko okupazioa eduki zuten 2011. urteko ekitaldian, Bidasoa Bizirik agentziaren arabera. Hiru puntu gehiagoko okupazioa izan zuten beraz, 2010eko urtearekin alderatuta. Hala, hoteletan lo egindako gau kopurua 2010 ur...
Irungo eta Hondarribiako hotelek %58,6ko okupazioa eduki zuten 2011. urteko ekitaldian, Bidasoa Bizirik agentziaren arabera. Hiru puntu gehiagoko okupazioa izan zuten beraz, 2010eko urtearekin alderatuta. Hala, hoteletan lo egindako gau kopurua 2010 urtekoaren kopuru bera den arren, denboraldi baxuko turismoa igo zela nabarmendu du garapenerako erakundeak.
Irunen kokatutako Turismo Bulegoak, eta Hondarribiko beste biek, 49.000 lagunen bisita jaso zuten. Aurreko ekitaldian baino 2.000 bisita gehiago, alegia.
Hala, bisitarien jatorriari dagokionez, Madriletik (Espainia), eta Valentzia zein Bartzelonatik (Herrialde Katalanak) hurbildu ziren batez ere, Bidasoaren hegoaldeko bi herrietara. Era berean, Frantziako bisitari ugari ere egon zela azaleratu du Bidasoa Bizirik-ek.
Erakargarritasunak
Horiek horrela, eskualdeko gastronomiak, naturak eta kulturak erakarri zituzten turista gehienak, baina horietaz gain, enogastronomiak, surfak, euskal kostaldeak eta negozio turismoak indarra hartu zutela jakitera eman du Bidasoa Bizirik-ek.
