Gazteen mugimendua, martxan
Gaztetxeko afariaren ondoren, bilera egingo dute ostiralean eta mendi irteera martxoaren 10ean Oiartzun Gazteen mugimendua hasi da ibiltzen Oiartzunen. Lehen aldiz larunbatean elkartu ziren hainbat gazte Kataxulo Gaztetxian, eta dagoeneko jarri dituz...
Gaztetxeko afariaren ondoren, bilera egingo dute ostiralean eta mendi irteera martxoaren 10ean
Oiartzun Gazteen mugimendua hasi da ibiltzen Oiartzunen. Lehen aldiz larunbatean elkartu ziren hainbat gazte Kataxulo Gaztetxian, eta dagoeneko jarri dituzte hurrengo bi hitzorduak.
Hainbat koadrilatik etorritako gazte talde batek egin zuen lehen hitzordurako deia: 150 gazte elkartu ziren larunbatean gaztetxean, lepo bete zuten. Afaldu, eta gazteen arteko harremanik ez dagoela, kezka orokorra zela ohartu ziren guztiak.
Lehen kontaktua izanik, jolasak eta karaokea izan ziren gero. Baina dagoeneko jarri dituzte hurrengo bi hitzorduak.
Ostiralerako bilera deitu dute: 19:00etan izango da, Kataxulon. Gazteen arteko mugimendua, harremana, elkarrekintza sortzeko zer egin daitekeen hitz egingo dute. Beti ere, argi izanik, ez dela lanerako deia: «Lanerako ez, gozatzeko elkartuko gara, guretzat gauzak egiteko».
Martxoaren 10ean, berriz, mendi irteera egingo dute Arritxulora. Mendi buelta egin, elkarren artean harremanak landu, ideiak bildu, eta nahi duenak lotarako aukera ere izango du, akelarrea ere izango baita. Beste behin, gazteei animatzeko deia egin diete.
