Trintxerpek hiru puntu lortu ditu Elgoibarren, lau gol sartuta
Ez zen partida erraza Txintxerpek larunbatean Elgoibarren jokatu behar zuena. Aurkari zuzenen arteko lehia zen, eta horrelakoetan etxekoak publikoaren berotasuna alde izaten du. Baina pasaitarrei partida borobila atera zitzaien eta elgoibartarren gaine...
Ez zen partida erraza Txintxerpek larunbatean Elgoibarren jokatu behar zuena. Aurkari zuzenen arteko lehia zen, eta horrelakoetan etxekoak publikoaren berotasuna alde izaten du. Baina pasaitarrei partida borobila atera zitzaien eta elgoibartarren gainetik pasatu ziren, azken emaitzak erakusten duen bezala: 1-4. Gainera, Urolak berdinketa besterik ez zuen lortu Behobian eta emaitza hori baliatu du Txintxerpek Ohorezko Mailako sailkapeneko hamaikagarren tokia bereganatzeko —28 puntu pilatu ditu orain arte Trintxerpek, eta Urolak 26—. Aurretik Bergara (30 punturekin) eta Beti Gazte (33rekin) daude.
Hurrengo jardunaldian trintxerpearrek etxean jokatuko dute, Oiartzunen kontra. Sailkapeneko bigarrena hiru puntuen bila hurbilduko da Andonaegira. Ikusteko dago lortuko ote duen.
