Bigarrena aukeran, seigarrenarekin konformatu behar
Ohorezko Mailako Pasaia futbol taldeak porrot mingarria jaso zuen larunbatean Don Boscon, Real Union Bren kontra (2-4). Pasaiak, gainera, bigarren posturaino igotzeko aukera bikaina galdu du, Tolosak eta Beriok haien partidak galdu bait zituzten. Iraba...
Ohorezko Mailako Pasaia futbol taldeak porrot mingarria jaso zuen larunbatean Don Boscon, Real Union Bren kontra (2-4). Pasaiak, gainera, bigarren posturaino igotzeko aukera bikaina galdu du, Tolosak eta Beriok haien partidak galdu bait zituzten. Irabaziz gero pasaitarrek bi talde horiek aurreratu eta bigarren jartzeko aukera zuten, baina galduta, seigarren tokian geratu dira, Real Union eta Oiartzunen garaipenen ondoren.
Anaitasunak, galdu arren, sendo eusten dio lidergoiari (47 puntu ditu), baina atzetik sailkapena izugarri hestutu da: 42 punturekin Oiartzun eta Tolosa daude, eta 41ekin Berio, Real Union eta Pasaia. Aretxabaletak garaipena lortu eta Pasaitarren atzetik bi puntura jarri da.
Datorren asteburuan balio handiko puntuak izango ditu jokoan Pasaiak, 24. jardunaldian. Tolosan jokatu beharko du, aurkari zuzen bat kontra.
