Gobernu taldearen “errespetu eza” salatu du Pasaiako EAJk
Pasaiako EAJ ez dago gustura Pasaian atez ateko hondakin bilketa martxan jartzeko urratsak emango direnaren albistearekin. Asteazkenean egin zuten agerraldia Gipuzkoako hainbat alkatek hori iragartzeko, denak Bildukoak. Momentuz, gobernu taldeak oposizioarekiko gaiaren gainean “errespetu eza” izan duela esan du Nahikari Otermin EAJren udaleko bozeramaileak, “alde bateko erabaki horren berri prentsaren bidez” jakin duelako. Hortaz, presazko eledunen batzordean bilera eskatu du EAJk, «Udalbatza zuzenean informatzeko». Oterminen arabera, eledunen batzorde horren helburua izango da, batetik, “oposizioa behar den bezala” informatzea, eta bestetik atez atekoaren gaineko datuak partekatzea: “Zein txostenetan oinarritu diren, zein azterketa dauzkaten, eta zeintzuk izango diren kostuak”. Hartara, EAJk uste du txosten horiek esku artean izan beharko lituzkeela gobernu taldeak, “tamaina honetako aldaketa gogor eta garesti bat proposatzeko”. Aldi berean, jeltzaleek Hirigintza Sailari txostena eskatu diote atez atekoaren bideragarritasun teknikoa aztertzeko, eta Donibanen eta San Pedron egin beharko liratekeen arau subsidiarioen barruko aldaketak aurreikusteko. “Gutxiespena ez da onargarria, bai ulergarria” Nahikari Oterminek adierazi du gaiaren gaineko informaziorik ez izatea “gutxiespena” dela, “ez da onargarria. Baina bai ulergarria Pombo jaunaren laguntzarekin duten gehiengo absolutua kontuan hartuta”. Hala, gobernu taldeak eta Pasaiako Ezkerrak gehiengo hori “inposizioan oinarritutako politika egiteko” baliatuko dutela uste du EAJk, “eztabaida eta herritarren benetako parte hartze demokratikoa ezereztatuz”. [...]
Pasaiako Udaleko EAJren zinegotziak. Lehen planoan, Nahikari Otermin.
Pasaiako EAJ ez dago gustura Pasaian atez ateko hondakin bilketa martxan jartzeko urratsak emango direnaren albistearekin. Asteazkenean egin zuten agerraldia Gipuzkoako hainbat alkatek hori iragartzeko, denak Bildukoak. Momentuz, gobernu taldeak oposizioarekiko gaiaren gainean “errespetu eza” izan duela esan du Nahikari Otermin EAJren udaleko bozeramaileak, “alde bateko erabaki horren berri prentsaren bidez” jakin duelako. Hortaz, presazko eledunen batzordean bilera eskatu du EAJk, «Udalbatza zuzenean informatzeko».
Oterminen arabera, eledunen batzorde horren helburua izango da, batetik, “oposizioa behar den bezala” informatzea, eta bestetik atez atekoaren gaineko datuak partekatzea: “Zein txostenetan oinarritu diren, zein azterketa dauzkaten, eta zeintzuk izango diren kostuak”. Hartara, EAJk uste du txosten horiek esku artean izan beharko lituzkeela gobernu taldeak, “tamaina honetako aldaketa gogor eta garesti bat proposatzeko”. Aldi berean, jeltzaleek Hirigintza Sailari txostena eskatu diote atez atekoaren bideragarritasun teknikoa aztertzeko, eta Donibanen eta San Pedron egin beharko liratekeen arau subsidiarioen barruko aldaketak aurreikusteko.
“Gutxiespena ez da onargarria, bai ulergarria”
Nahikari Oterminek adierazi du gaiaren gaineko informaziorik ez izatea “gutxiespena” dela, “ez da onargarria. Baina bai ulergarria Pombo jaunaren laguntzarekin duten gehiengo absolutua kontuan hartuta”. Hala, gobernu taldeak eta Pasaiako Ezkerrak gehiengo hori “inposizioan oinarritutako politika egiteko” baliatuko dutela uste du EAJk, “eztabaida eta herritarren benetako parte hartze demokratikoa ezereztatuz”. Alta, Otermini “harrigarria” iruditu zaio “parte hartzea bere bandera egin duenak ez dezala orain pasaitarrekin kontsultatu hain era drastikoan euren bizitza kalitatea aldatuko duen zerbaiti buruz”.
