Garagune: zentro berria, aukera berriak
Zentro zaharra eta berria, batetik bestera pauso batzuetara besterik ez daude, baina aldea nabaria da: Garagune berriak abantaila ugari ekarri dizkie erabiltzaileei. Abenduan pasatu ziren Tulle kaleko zentrotik Martin Etxeberria kalekora. Goitik behera egokitu dute lokala erabiltzaileen beharretara, eta orain euren espazio propioa daukate. Errenteria-Oreretako Garagune Goyeneche Fundazioaren zentroa da, Gipuzkoan dauden 11 zentroetako bat. Adimen urritasuna daukaten pertsonak dira erabiltzaileak, eta bertan euren gustu eta beharretara egokitutako ekintzak egiten dituzte, begiraleen laguntzarekin. Horien bidez, adimen urritua dutenak gizartean integratzea du helburu Goyeneche Fundazioak. Errenteriako zentroak, hain zuzen, hamahiru erabiltzaile ditu, eta sei laguneko bi begirale ditu, Leire Lasa koordinatzaileaz aparte. Espazio propioa Lasak zentroaren beharra nabarmendu du. Tulle kalekoa Txolarte aisialdirako elkartearekin partekatzen zuten, eta Lasaren arabera, erabiltzaileek euren espazio propia edukitzeko beharra zeukaten: euren gauzak bertan eduki eta jaso, kudeatu… Zentro berriak aukera berriak ireki dizkie, eta orain bakoitzak bere gauzak edukitzeko txokoa du, pertsonalizatua, eta horrek autonomia sustatzen duela azaldu du Lasak. Sukaldea bera ere hobea dela adierazi du, eta gainera, Garaguneren kasuan, espazio garrantzitsuena da, hor egiten baitituzte ekintza asko eta asko. Ardurak banatzen dituzte bakoitzaren gustu eta beharren arabera: janaria prestatu, mahaia jarri, arropa garbitu edo lisatu… Sukaldeaz gain, beste zenbait gune ditu lokal berriak: [...]
Zentro zaharra eta berria, batetik bestera pauso batzuetara besterik ez daude, baina aldea nabaria da: Garagune berriak abantaila ugari ekarri dizkie erabiltzaileei. Abenduan pasatu ziren Tulle kaleko zentrotik Martin Etxeberria kalekora. Goitik behera egokitu dute lokala erabiltzaileen beharretara, eta orain euren espazio propioa daukate.
Errenteria-Oreretako Garagune Goyeneche Fundazioaren zentroa da, Gipuzkoan dauden 11 zentroetako bat. Adimen urritasuna daukaten pertsonak dira erabiltzaileak, eta bertan euren gustu eta beharretara egokitutako ekintzak egiten dituzte, begiraleen laguntzarekin. Horien bidez, adimen urritua dutenak gizartean integratzea du helburu Goyeneche Fundazioak. Errenteriako zentroak, hain zuzen, hamahiru erabiltzaile ditu, eta sei laguneko bi begirale ditu, Leire Lasa koordinatzaileaz aparte.
Espazio propioa
Lasak zentroaren beharra nabarmendu du. Tulle kalekoa Txolarte aisialdirako elkartearekin partekatzen zuten, eta Lasaren arabera, erabiltzaileek euren espazio propia edukitzeko beharra zeukaten: euren gauzak bertan eduki eta jaso, kudeatu…
Zentro berriak aukera berriak ireki dizkie, eta orain bakoitzak bere gauzak edukitzeko txokoa du, pertsonalizatua, eta horrek autonomia sustatzen duela azaldu du Lasak. Sukaldea bera ere hobea dela adierazi du, eta gainera, Garaguneren kasuan, espazio garrantzitsuena da, hor egiten baitituzte ekintza asko eta asko. Ardurak banatzen dituzte bakoitzaren gustu eta beharren arabera: janaria prestatu, mahaia jarri, arropa garbitu edo lisatu…
Sukaldeaz gain, beste zenbait gune ditu lokal berriak: egongela, bazkal ostean atsedena hartzeko; bilera gela, goizetan bilera egiteko eta aisialdirako (bi ordenagailu eta bizikleta estatiko ditu); eskulanetarako gela eta bi komun egokitu.
Horrez gain, bulego bat ere badaukate goiko solairuan. Lasaren arabera, garrantzitsua izan da begiraleek espazio propioa izatea, bilerak konfidentzialtasunez eta etenik gabe egin ahal izateko.
Garagunen hainbat ekintza egiten dituzte erabiltzaileek. 09:15etik 17:00etara egoten dira bertan, eta kale ekintzak (igeriketa, kiroldegi eta frontoietara irteerak, musikoterapia…), barruko ekintzak (eskulanak eta ordenagailu bidez eurei egokitutako jokoak…) eta Nagusilanekin boluntario lanak egiten dituzte tarte horretan.
Azken finean, erabiltzaileak baliagarri sentiaraztea nahi dute Garagunen.

