Zumaiara denaren bila joango dira Santiagotarrak-eko pistako piraguistak
Santiagotarrak Arraun Elkarteko pistako piraguistak Zumaian lehiatuko dira etzi, Gipuzkoako Fondo Txapelketan, 16:00etatik aurrera. Azken orduko ezustekorik ezean, saileko palista guztiak ariko dira, eta, Donostia Kayak taldea faborito bada ere, ez dut...
Santiagotarrak Arraun Elkarteko pistako piraguistak Zumaian lehiatuko dira etzi, Gipuzkoako Fondo Txapelketan, 16:00etatik aurrera. Azken orduko ezustekorik ezean, saileko palista guztiak ariko dira, eta, Donostia Kayak taldea faborito bada ere, ez dute podioko postu gorenera igotzea baztertzen.
Martxoaren 17 eta 18an Sevillan egingo duten Espainiako Neguko Txapelketari begira indarrak nola dauden neurtzeko aukera ona izango da. Hori baino lehenago, martxoaren 5ean, Euskadiko Txapelketa egingo dute, Irunen. Santiagotarrakek antolatuta.
Gainera, Irungo arraun elkarteko hamar kirolarik parte hartuko dute igandean Soustonsen (Okzitania) Euskadiko Federazioak egingo duen kontzentrazioan; Espainiako Txapelketa prestatzeko elkartuko dira Landetan.
