Udalekutan izena emateko epea hilaren 27an irekiko dute
Irungo Udaleko Gazteria Sailak 2012o udalekutan parte hartzeko izen-ematea astelehenean irekiko du. Udalekuak Arabako Sarria herrian egingo dira zazpigarren aldiz, Gorbea Parke Naturalaren magalean. Udalekuak uztailean eta abuztuan garatuko dira, eta I...
Irungo Udaleko Gazteria Sailak 2012o udalekutan parte hartzeko izen-ematea astelehenean irekiko du. Udalekuak Arabako Sarria herrian egingo dira zazpigarren aldiz, Gorbea Parke Naturalaren magalean.
Udalekuak uztailean eta abuztuan garatuko dira, eta Irunen erroldatutako 8 eta 16 urte arteko gaztetxoek parte hartu ahal izango dute. Denera, 250 lagunentzako lekua izango da, bost txanda desberdinetan, horietako bi euskaraz eta beste hiruak, elebitan.
Izena ematea
Izena emateko epea otsailaren 27tik martxoaren 3a bitartean zabalik egongo da, eta interesatuek 010 edota 943 50 51 52 telefono zenbakietara dei dezakete–lanegunetan 08:00etik 20:00era eta larunbatean 08:30etik 13:30era–. Era berean, www.irun.org webgunean egin ahal izango da.
Behin behineko zerrendak martxoaren 8tik 14ra bitartean ikusgai izango dira Hiritarra Atenditzeko Bulegoan (HAZ). Horren ondotik, behin betiko zozketa egingo da martxoaren 28an, Ospitale Zaharrean (12:00) eta beste behin ere izena eman beharko dute interesatuek apirilaren 16tik 20ra bitartean, HAZen.
