Hemeretzi domina eskuratu ditu EATk astebukaeran
Errenteriako Atletismo Taldeak (EAT) arrakasta izan du asteburuan Anoetan egindako Pista Estaliko Euskadiko Txapelketan. Guztira, hemeretzi domina eta Espainiako errekor bat eskuratu dituzte Errenteriako atletek. Domina horietatik sei urre lortu dituzt...
Errenteriako Atletismo Taldeak (EAT) arrakasta izan du asteburuan Anoetan egindako Pista Estaliko Euskadiko Txapelketan. Guztira, hemeretzi domina eta Espainiako errekor bat eskuratu dituzte Errenteriako atletek.
Domina horietatik sei urre lortu dituzte EATko emakumeek. 70 urtetik gorakoen kategorian, Ines Perez 60, 200, 400 eta 800 metroetako probetan izan zen lehena. Horrekin batera kategoria bereko Espainiako errekorra lortu zuen Perezek asteburuan, 60 metroko proban.
Urrea, zilarra eta brontzea
Esther Estefania eta Marta Herediak eskuratu zituzten beste bi urreak atletismo taldearen izenean 3.000 metroko proban, 55 urtetik gorako eta 45 urte gorako emakumeen kategorian, hurrenez hurren.
Bestalde, Rafa Ferrer atletak hiru urre lortu zituen 55 urtetik gorakoen kategorian, 200, 400 eta 800 metroko probetan eta zilarra, 60 metrotan; Antxon Basurkok, berriz, bi urre eskuratu zituen 60 eta 200 metroko probetan, 60 urtetik gorakoen kategorian; 70 urtetik gorakoen kategorian aritu zen Jose Mari Lopezek, urrezko domina lortu zuen luzera jauzian eta brontzea 400 metroko proban.
Lehenengo postuak egin zituzten ere Iñaki Mayok, 45etik gorakoen kategorian 800 metroko proban; Antonio Castrok, 55 urtetik gorakoen 3.000ko proban; Txema Arenzanak 60 urtetik gorakoen 3.000ko proban; eta Jesus Zabachek 50 urtetik gorakoen pisu jaurtiketan.
