Errenteriako eta Pasaiako 24 denda izango dira stock azokan
Pagotxak. Horixe aurkitu ahal izango dituzte bisitariek asteburuan stock azokan. Bihartik igandera bitartean 24 erakustoki egongo dira jarrita Merkatuzarren, eta askotariko produktuak merke erosteko aukera izango da. Beste urte batez, eta dagoeneko zazpigarrenez antolatu dute azoka Errenteria-Oreretako Errenkoalde eta Pasaiako Laurak Bat merkatarien elkarteek. Iaz baino bi denda gehiagok hartuko dute parte aurten, eta produktuei dagokienez, batik bat modarekin lotutakoak ikusi ahal izango dira erakustokietan: arropa eta oinetakoak, osagarriak, azpiko arropa, goi mailako imitaziozko bitxiak… Horiek guztiak denboraldiko produktuak dira, merkealdiaren ostean saldu ez direnak eta biltegian geratu direnak. Horiei irtenbide bat ematea da azokaren helburua. Produktuak merke-merke eskainiko dituzte, %60tik gorako beherapenak izango direla jakinarazi dute antolatzaileek. Dendei gutxienez beherapen hori egitea eskatzen diete, beraz, hortik gorako deskontuak ere aurkituko dituzte bisitariek. Horrelako aukerekin jendea animatzea espero dute antolatzaileek. Iaz 4.000 lagunek bisitatu zuten azoka, eta aurten gehiago izatea espero dute, inguruan ez dagoelako halakorik. Hain zuzen, beste azoken data berean ez egiten saiatu dira antolatzaileak. La Perlarako sarrerak Aurten ez dute tabernarik jarriko Merkatuzarren, eta horrenbestez, ez dute kafea doan hartzeko aukerarik izango bisitariek. Horren partez, baina, Donostiako La Perla talasoterapiara joateko sei sarrera (hiru sarrera, bakoitzari bina) zozkatuko dituzte bisitarien artean. Sarrerak euro bat balio du. Dendez [...]
Pagotxak. Horixe aurkitu ahal izango dituzte bisitariek asteburuan stock azokan. Bihartik igandera bitartean 24 erakustoki egongo dira jarrita Merkatuzarren, eta askotariko produktuak merke erosteko aukera izango da. Beste urte batez, eta dagoeneko zazpigarrenez antolatu dute azoka Errenteria-Oreretako Errenkoalde eta Pasaiako Laurak Bat merkatarien elkarteek.
Iaz baino bi denda gehiagok hartuko dute parte aurten, eta produktuei dagokienez, batik bat modarekin lotutakoak ikusi ahal izango dira erakustokietan: arropa eta oinetakoak, osagarriak, azpiko arropa, goi mailako imitaziozko bitxiak…
Horiek guztiak denboraldiko produktuak dira, merkealdiaren ostean saldu ez direnak eta biltegian geratu direnak. Horiei irtenbide bat ematea da azokaren helburua.
Produktuak merke-merke eskainiko dituzte, %60tik gorako beherapenak izango direla jakinarazi dute antolatzaileek. Dendei gutxienez beherapen hori egitea eskatzen diete, beraz, hortik gorako deskontuak ere aurkituko dituzte bisitariek.
Horrelako aukerekin jendea animatzea espero dute antolatzaileek. Iaz 4.000 lagunek bisitatu zuten azoka, eta aurten gehiago izatea espero dute, inguruan ez dagoelako halakorik. Hain zuzen, beste azoken data berean ez egiten saiatu dira antolatzaileak.
La Perlarako sarrerak
Aurten ez dute tabernarik jarriko Merkatuzarren, eta horrenbestez, ez dute kafea doan hartzeko aukerarik izango bisitariek. Horren partez, baina, Donostiako La Perla talasoterapiara joateko sei sarrera (hiru sarrera, bakoitzari bina) zozkatuko dituzte bisitarien artean. Sarrerak euro bat balio du.
Dendez gain, ile-apaindegi bat ere egongo dela jakinarazi dute antolatzaileek.
Stock azoka 17:00etan zabalduko dute bihar 20:00ak arte. Etzi eta igandean egun osoz egongo da irekita: 10:00etatik 20:00etara.
Dendak
- Pasaia. Modas Molona (Trintxerpe), Mendiola zapata denda (Trintxerpe), Maria Jesus mertzeria (Trintxerpe), Battura (Trintxerpe), Rumax ile apaindegia (Trintxerpe), Karmele (Trintxerpe), Argi Boutique (Antxo), Nautica Muro (Antxo), Decoro (Antxo) eta Elosegi (Antxo).
- Errenteria-Orereta. Susperregi, Casamayor, Naiz, Bambola, Arry, Halaxe moda, Goxo-goxo lentzeria, Hache Boutique, Kalima, Marigorri, Amy, Naïf, Diskparate eta Family Company.
