Epea zabalik dago AISA euskara ikastaroetan izena emateko
Herriko etorkinek dagoeneko izena eman dezakete AISA ikastaroetan. 16 urtetik gorako etorkin guztiei dago zuzenduta, batik bat etorri berriak direnei, eta orain arte euskararekin harreman gutxi eduki dutenenei. Laguntza horiek HABE eta Eusko Jaurlaritz...
Herriko etorkinek dagoeneko izena eman dezakete AISA ikastaroetan. 16 urtetik gorako etorkin guztiei dago zuzenduta, batik bat etorri berriak direnei, eta orain arte euskararekin harreman gutxi eduki dutenenei. Laguntza horiek HABE eta Eusko Jaurlaritzak ematen dituzte, Euskara Departamenduarekin batera.
Irune Balentziaga Euskara zinegotziaren arabera, helburua etorkinei “euskal kultura ezagutzen hasteko bidea irekitzea da”, eta horretarako, oinarrizko gauzak irakatsiko dizkiete: agurrak, zenbakiak, eta oinarrizko hitz eta adierazpenak.
Xenpelar AEK euskaltegiak emango ditu eskolak, eta 60 orduko ikastaroa izango da, astean hiru ordu. Ikastaroa apirilean hasiko da, eta parte hartzeko martxoaren 16a baino lehen eman beharko dute izena interesdunek Euskara Departamenduan edo 943 44 96 13 telefono zenbakian. Ikastaroak hamar euro balio du.
Laguntzak
Era berean, 2012an euskararekin zerikusia duten jardueretan izena emateko epea ere dagoeneko ireki dutela jakinarazi du.
Saltoki eta enpresen errotulazioa eta webgunerako laguntzak urte osoan eskatu ahal izango dira; urtero egiten diren jardueretako martxoaren 11ra arte; jarduera puntualetarako, jarduera egin baino hilabete lehenago; euskara ikasteko laguntzak irailaren 1etik urriaren 15era; eta UEU eta EHUrako matrikulazioak irauten duen bitartean.