Agudo: “Erbesteratuei laguntza ematea izan da nire delitu bakarra”
Gaur egin diote epaiketa Joseba Agudo abokatu oreretarrari Espainiako Auzitegi Nazionalean, eta errugabetzat jo du bere burua. “Deserriratuei eta erbesteratuei eta euren familiei laguntza ematea izan da nire delitu bakarra”, adierazi du. Il...
Gaur egin diote epaiketa Joseba Agudo abokatu oreretarrari Espainiako Auzitegi Nazionalean, eta errugabetzat jo du bere burua. “Deserriratuei eta erbesteratuei eta euren familiei laguntza ematea izan da nire delitu bakarra”, adierazi du.
Ildo horretatik eskaera bat ere egin du abokatuak: “Bezero ditudanen atzetik ibiltzeari utz diezaioten (asko deserriratuak eta erbesteratuak) eskatu nahi dut, eta haiek etxera bueltatzeko prozedurarako mekanismoak martxan jar ditzatela”.
Agudok izan ezik, perituek ere hitza hartu dute, eta “errefuxiatu eta ETAko zuzendaritzaren artean zubi lanak” egiten zituela adierazi dute. Delitu hori leporatzen dio Luis Barroso fiskalak, eta bederatzi urteko espetxe zigorra eskatu du Agudorentzat. Abokatuak gezurtatu egin du ETAko kide denik.
