Euskarazko Maitasun Gutun Lehiaketa abiatu dute dagoeneko
Hendaia.com elkarteak euskarazko Maitasun Gutun Lehiaketaren hirugarren ekitaldia abian jarri zuen atzokoan, San Balentin egunarekin batera. Elkarteak aurten hautatutako gaia Zailtasun frangoren gaindi… amodio aitortza! izan da, eta parte hartzaileek martxoaren 14a baino lehen bidali beharko dituzte haien gutunak, Hendaia.com elkartearen egoitzara. Horiek horrela, elkarte antolatzaileak jakinarazi duenez, gutunak argitaratu gabekoak izan beharko dute eta horrez gain, originalak izan behar dira. Izan ere, kopiak eta itzulpenak ez dituztela onartuko adierazi dute. Hendaia Euskaraz-en barruan Bigarren urtea da Maitasun Gutunen Lehiaketa Hendaia Euskaraz ekimenaren barruan antolatzen dela, euskararen hilabetearen karietara. Izan ere, maitasun gutunen lehen ekitaldia Baleak elkarteak antolatu zuen arren, iaz, Hendaia.com elkarteak hartu zuen lekukoa. Hala, iragandako bi ekitaldietan otsailaren 14tik martxoaren 14ra bitartean antolatu dute lehiaketa, eta aurten ere, epe berbera jartzea erabaki dute. Martxoaren bukaeran sari banaketa aurreikusi dute, Abbadia gazteluaren kaperan. Antolatzaileek jakinarazi dutenez, hainbat idazle ospetsuk parte hartuko dute epaimahaian, gutunen irakurketan zein sari banaketan, horien artean, besteak beste, Aurelia Arkotxa Euskaltzaindiaren lehendakariordea izanen da. Lehiaketaren oinarriak: 1. Parte hartzaileak: Hamahiru urtetik gorako edozein idazlek parte har dezake. 2. Lanak: Euskaraz idatzitakoak, argitaratu gabeak eta beste edozein lehiaketatan aurkeztu gabeak izango dira. Ez da itzulpenik onartuko. Bederen orrialde bat eta gehienez hiru. 3. Gaia: Zailtasun frangoren gaindi … [...]
Hendaia.com elkarteak euskarazko Maitasun Gutun Lehiaketaren hirugarren ekitaldia abian jarri zuen atzokoan, San Balentin egunarekin batera. Elkarteak aurten hautatutako gaia Zailtasun frangoren gaindi… amodio aitortza! izan da, eta parte hartzaileek martxoaren 14a baino lehen bidali beharko dituzte haien gutunak, Hendaia.com elkartearen egoitzara.
Horiek horrela, elkarte antolatzaileak jakinarazi duenez, gutunak argitaratu gabekoak izan beharko dute eta horrez gain, originalak izan behar dira. Izan ere, kopiak eta itzulpenak ez dituztela onartuko adierazi dute.
Hendaia Euskaraz-en barruan
Bigarren urtea da Maitasun Gutunen Lehiaketa Hendaia Euskaraz ekimenaren barruan antolatzen dela, euskararen hilabetearen karietara. Izan ere, maitasun gutunen lehen ekitaldia Baleak elkarteak antolatu zuen arren, iaz, Hendaia.com elkarteak hartu zuen lekukoa.
Hala, iragandako bi ekitaldietan otsailaren 14tik martxoaren 14ra bitartean antolatu dute lehiaketa, eta aurten ere, epe berbera jartzea erabaki dute. Martxoaren bukaeran sari banaketa aurreikusi dute, Abbadia gazteluaren kaperan.
Antolatzaileek jakinarazi dutenez, hainbat idazle ospetsuk parte hartuko dute epaimahaian, gutunen irakurketan zein sari banaketan, horien artean, besteak beste, Aurelia Arkotxa Euskaltzaindiaren lehendakariordea izanen da.
Lehiaketaren oinarriak:
1. Parte hartzaileak: Hamahiru urtetik gorako edozein idazlek parte har dezake.
2. Lanak: Euskaraz idatzitakoak, argitaratu gabeak eta beste edozein lehiaketatan aurkeztu gabeak izango dira. Ez da itzulpenik onartuko. Bederen orrialde bat eta gehienez hiru.
3. Gaia: Zailtasun frangoren gaindi … amodio aitortza !
4. Gutunen aurkezpena: Gutun-azal batean aurkeztuko dira egilearen izena jarri gabe, goitizen batekin. Lanari erantsitako beste gutun-azal batean, azalean, lanaren izenburua eta egilearen goitizena jarriko dira bistan. Barruan, egilearen datuen berri emango da: izen abizenak, helbidea eta telefono zenbakia.
5. Nora eta noizko: Gutunak 2012ko martxoaren 14rako aurkeztu behar dira. Helbidea : Hendaia.com – Maitasun Gutun Lehiaketa -Errepublika plaza, 6 – 64700 HENDAIA (Lapurdi)
6. Sari banaketa: Martxoaren 30ean Hendaiako Abbadia Gazteluaren kaperan, 19:00etan
7. Sariak:
Lehen saria : 200 € eta garaikurra.
Bigarren saria : 100 € eta garaikurra
Lehen Hendaiarra : 100 € eta garaikurra
Horrez gain, Maitasun Gutun lehiaketan eta irailean antolatuko den Maitasun Adierazpen lehiaketan parte hartzaileen artean, Hendaian bi pertsonentzako asteburu erromantiko baten zozketa eginen da.
