Euskal Herriko Mus Txapelketako saioetan, 47 bikote
Euskal Herriko Mus Txapelketako kanporaketak jokatu zituzten larunbatean Trintxerpen, San Pedron eta Antxon. Urtarrilaren 14an sanjuandarren txanda izan zen. Horietan guztietan 47 bikotek parte hartu dutela nabarmendu dute Bai Euskal Herriari ekimeneko...
Euskal Herriko Mus Txapelketako kanporaketak jokatu zituzten larunbatean Trintxerpen, San Pedron eta Antxon. Urtarrilaren 14an sanjuandarren txanda izan zen. Horietan guztietan 47 bikotek parte hartu dutela nabarmendu dute Bai Euskal Herriari ekimeneko kideek: hamabina izan ziren San Pedron, Trintxerpen eta Donibanen, eta 11 Antxon.
Bikote horietatik guztietatik zortzi joango dira Seguran hilaren 25ean jokatuko duten Gipuzkoako finalera, barruti bakoitzeko bi —irabazkeak eta bigarrenak—. Eta Gipuzkoako onenek, martxoaren 17ko final handian izango dute hitzordua, Nafarroako Arbizu herrian.
Giro ona eta eskerrak
Bai Euskal Herriari taldeko kideek lau kanporaketetan parte hartzaileen artean izan den giro ona nabarmendu dute. Gainera, barruti bakoitzean sariak banatzen zirenez, sari horiek eman dituztenak eta babesleak eskertu dituzte antolatzaileek.
Aldi berean, hilaren 25ean Seguran Pasaiako ordezkari izango direnei zorterik onena opa diete Bai Euskal Herriari taldeko kideek.
Irabazleak
- Trintxerpe. Ibai eta Borja (lehenak), eta Joxi eta Txuntxun (bigarrenak).
- San Pedro. Manu Enbil eta Duni (irabazleak), eta Juanjo eta Manolillo (bigarrenak).
- Antxo. Patxi Gil eta Joseba Donabera (irabazleak), eta Juanito Olaizola eta Prontxio Errasti (bigarrenak).
- Donibane. Juantxo eta Luis (irabazleak), eta Jon Ander eta Jose Mari (bigarrenak).
