Allerru-Jaizkibelen porrota, zortzi partida galdu gabe egon eta gero
Allerru-Jaizkibel areto futbol taldeak ezin izan dio bolada onari eutsi. Bederatzigarren partida galdu gabe lortzeko asmoarekin atera ziren Bekoerrotako kantxara larunbatean. Concepto Createh taldea jaso zuten, eta partida oso lehiatua izan zen: 3-4 ir...
Allerru-Jaizkibel areto futbol taldeak ezin izan dio bolada onari eutsi. Bederatzigarren partida galdu gabe lortzeko asmoarekin atera ziren Bekoerrotako kantxara larunbatean. Concepto Createh taldea jaso zuten, eta partida oso lehiatua izan zen: 3-4 irabazi zuten kanpokoek. Orain, emaitza ahaztu, eta garaipenaren bidea aurkitu behar dute berriro, bederatzigarren postutik gora egiteko.
Bolada aldaketa ere izan dute mutilen futbol taldeek, baina hoberako. Erregional Preferenteko taldeak 3-2 irabazi zion Martuteneri. Hemeretzi puntu dituzte.
Allerru Bk, berriz, 2-1 irabazi zion Mondragon Bri. Horrela, Igoera Faseko lehen puntuak eskuratu dituzte. Azkenik, Emakumeen Igoera Fasean, lezoarrek bina berdindu zuten Beasainen kontra. Guztiek etxean jokatu zuten.
