Lezoko Soinu Zahar Txapelketa hilaren 28an ospatuko dute
Gazteen Soinu Zahar Txapelketaren XIV. ekitaldia egingo dute larunbat honetan Lezon. Bertan 7 eta 15 urte bitarteko neskek hartuko dute parte, A eta B sailetan banatuta. Eusko Dantzarien Biltzarrak antolatzen duen XIV. Gazteen Neskatxena Ligaxkaren leh...
Gazteen Soinu Zahar Txapelketaren XIV. ekitaldia egingo dute larunbat honetan Lezon. Bertan 7 eta 15 urte bitarteko neskek hartuko dute parte, A eta B sailetan banatuta. Eusko Dantzarien Biltzarrak antolatzen duen XIV. Gazteen Neskatxena Ligaxkaren lehenengo kanporaketa izango da, eta Murixka izango da ekitaldia antolatzearen arduraduna. Dantza saioa arratsaldean izango da, 16:30etik aurrera.
A sailean 7 eta 11 urteko neskek hartuko dute parte, Punta Motz eta Uztai Txiki Zortzikoa dantzak egin beharko dituzte. B sailekoak, berriz, 12 eta 15 urte artekoak dira, eta Hondarribi Handia eta Upelategi doinuekin dantzatuko dira. Hemezortzi neskek parte hartuko dute lehenengo sailean, eta hemeretzik bigarrenean.
