Sens Irun ekimena gabonetarako itzuli da
Udan aurrenekoz egin zuten Sens Irun programaren arrakasta ikusirik, gabonetan berreskuratzea erabaki dute udalak eta Mugan Irungo merkataritza elkarteak. Ekimenaren helburua da bisitariari bost zentzumenei lotutako ibilbide bat eskaintzea, Irungo erdialdea eta bere merkataritza ezagutu ditzan. Gabonetarako beste bost saltoki hautatu dituzte, udan txangoa egin zuenak ere, berriz egin ahal izateko. Eta, nola ez, eguberriei lotutako ibilbidea prestatu dute oraingoan. Ostegunean aurkeztu zuten programa, udaletxeko bilkura aretoan. Bertan izan ziren, besteak beste, Irungo Merkataritza arloko ordezkaria, Migel Angel Paez, Sens Iruneko gidari Iñaki Otamendi, eta Tomas Maeztu Mugan merkataritza elkarteko kudeatzailea. Paezen ustez “hiriko merkataritzak bezeroak fidel izaten saiatzea bezain beharrezkoa du erakargune izatea”. Udan ibilbideko gidari izan zen Iñaki Beobidek errepikatuko du lan horretan. Aurkezpenean esan zuen bisitariei “esperientzia ludiko, dastagarri eta didaktikoa” eskaintzen saiatuko dela. Gabonetan astelehenetik ostiralera egingo dute dituzte paseoak, hilaren 19tik 30era, 16:30etik 18:30era. Prezio 3 eurokoa izango da, eta 12 urtetik beherakoentzat doan. Izen emateko Luis Marianoko turismo bulegora joan behar da, edo 943020732 telefono zenbakira deitu. Sens Irun. Ibilbideko saltokiak Ikuski (Luis Mariano lorategiak). Entzumena landuko dute. Soinu esperientzia tamaina eta material ezberdinetako gabonetako bolak baliatuz. Atrezzo (Geltoki kalea). Ikusmena landuko dute. Kunstall deseinu eskolako ikasleek prestatutako instalazioa, gabonei eta kontsumo arduratsuari lotuta. [...]
Udan aurrenekoz egin zuten Sens Irun programaren arrakasta ikusirik, gabonetan berreskuratzea erabaki dute udalak eta Mugan Irungo merkataritza elkarteak. Ekimenaren helburua da bisitariari bost zentzumenei lotutako ibilbide bat eskaintzea, Irungo erdialdea eta bere merkataritza ezagutu ditzan. Gabonetarako beste bost saltoki hautatu dituzte, udan txangoa egin zuenak ere, berriz egin ahal izateko. Eta, nola ez, eguberriei lotutako ibilbidea prestatu dute oraingoan.
Ostegunean aurkeztu zuten programa, udaletxeko bilkura aretoan. Bertan izan ziren, besteak beste, Irungo Merkataritza arloko ordezkaria, Migel Angel Paez, Sens Iruneko gidari Iñaki Otamendi, eta Tomas Maeztu Mugan merkataritza elkarteko kudeatzailea. Paezen ustez “hiriko merkataritzak bezeroak fidel izaten saiatzea bezain beharrezkoa du erakargune izatea”.
Udan ibilbideko gidari izan zen Iñaki Beobidek errepikatuko du lan horretan. Aurkezpenean esan zuen bisitariei “esperientzia ludiko, dastagarri eta didaktikoa” eskaintzen saiatuko dela.
Gabonetan astelehenetik ostiralera egingo dute dituzte paseoak, hilaren 19tik 30era, 16:30etik 18:30era. Prezio 3 eurokoa izango da, eta 12 urtetik beherakoentzat doan. Izen emateko Luis Marianoko turismo bulegora joan behar da, edo 943020732 telefono zenbakira deitu.
Sens Irun. Ibilbideko saltokiak
- Ikuski (Luis Mariano lorategiak). Entzumena landuko dute. Soinu esperientzia tamaina eta material ezberdinetako gabonetako bolak baliatuz.
- Atrezzo (Geltoki kalea). Ikusmena landuko dute. Kunstall deseinu eskolako ikasleek prestatutako instalazioa, gabonei eta kontsumo arduratsuari lotuta.
- Mandarina (Colon pasealekua). Ukimena landuko dute. Gabonetarako erabiltzen diren ehun eta texturen gaineko jarduera.
- Mendibil ardotegia (Juan de la Cruz kalea). Usaimena landuko dute. Ardo eta xanpain dastatzea.
- MarcaIrun (Iparralde etorbidea). Dastamena landuko dute. Gabonetako hainbat postreen dastatzea; esperientziaren ardatza konpota izango da.