Udal Gobernu Taldea: «Preso politikoen eskubideak bermatu behar dira»
Urtarrilaren 7ko manifestazioarekin bat egin dute hautetsiek, eta herritarrei bertara joateko eskatu diete Pasaiako Udalak Bandoa zabaldu du herriko kaleetan, euskal presoen eskubideen alde. Une historikoa dela gogorarazi, eta presoen aldeko ekitaldietan parte hartzeko deia egin diete herritarrei. Lehenik, dispertsioa amaitzea eta preso guztiak Euskal Herriratzea eskatu du udalak, baita gaixotasun larriak dituzten presoak askatzea eta zigorra beteta duten presoak askatzea ere. Bigarrenik, urtarrilaren 7an euskal preso politikoen eskubideen alde egingo den manifestazioarekin bat egiteaz gain, herritarrak eta udalerriko eragile guztiak ere bat egitera gonbidatu ditu Udal Gobernu Taldeak. Hirugarrenik, bihar hautetsiek baraua eta elkarretaratzea egingo dituztela iragarri dute. Elkarretaratzea 12:00etan izango da, Arizabalo jauregiaren aurrean (Donibanen), eta herritarrei parte hartzeko deia egin diete. Egungo egoeraren garrantzia nabarmendu du Udal Gobernu Taldeak zabaldutako bandoan: «Ezberdintasun politiko guztien gainetik giza eskubideen alde urratsa eman behar dugu denek, eta herri honek inoiz ezagutu duen mobilizaziorik handiena burutu». Presoen alde, Pasaiako portuan Egin Dezagun Bidea ekimenaren baraualdien testuinguruan, Pasaiako Portuko langileek elkarretaratzea egin zuten astelehenean Portuko Agintaritzako eraikin nagusiaren atarian. Euskal preso eta iheslariak etxera! leloa zuen pankartaren atzean izan ziren langileak. Mobilizazioek ez dute etenik Egin Dezagun Bidea ekimenarekin lotuta, eta urtarrilaren 7an Bilbon egingo den manifestazio nazionala berotzeko, baraualdiak eta elkarretaratzeak [...]
Urtarrilaren 7ko manifestazioarekin bat egin dute hautetsiek, eta herritarrei bertara joateko eskatu diete
Pasaiako Udalak Bandoa zabaldu du herriko kaleetan, euskal presoen eskubideen alde. Une historikoa dela gogorarazi, eta presoen aldeko ekitaldietan parte hartzeko deia egin diete herritarrei.
Lehenik, dispertsioa amaitzea eta preso guztiak Euskal Herriratzea eskatu du udalak, baita gaixotasun larriak dituzten presoak askatzea eta zigorra beteta duten presoak askatzea ere.
Bigarrenik, urtarrilaren 7an euskal preso politikoen eskubideen alde egingo den manifestazioarekin bat egiteaz gain, herritarrak eta udalerriko eragile guztiak ere bat egitera gonbidatu ditu Udal Gobernu Taldeak.
Hirugarrenik, bihar hautetsiek baraua eta elkarretaratzea egingo dituztela iragarri dute. Elkarretaratzea 12:00etan izango da, Arizabalo jauregiaren aurrean (Donibanen), eta herritarrei parte hartzeko deia egin diete.
Egungo egoeraren garrantzia nabarmendu du Udal Gobernu Taldeak zabaldutako bandoan: «Ezberdintasun politiko guztien gainetik giza eskubideen alde urratsa eman behar dugu denek, eta herri honek inoiz ezagutu duen mobilizaziorik handiena burutu».
Presoen alde, Pasaiako portuan
Egin Dezagun Bidea ekimenaren baraualdien testuinguruan, Pasaiako Portuko langileek elkarretaratzea egin zuten astelehenean Portuko Agintaritzako eraikin nagusiaren atarian. Euskal preso eta iheslariak etxera! leloa zuen pankartaren atzean izan ziren langileak.
Mobilizazioek ez dute etenik
Egin Dezagun Bidea ekimenarekin lotuta, eta urtarrilaren 7an Bilbon egingo den manifestazio nazionala berotzeko, baraualdiak eta elkarretaratzeak egiten ari dira aste honetan Oarsoaldeko herrietan. Hala, gaur, mugimendu feministako kideek hartuko dute lekukoa, eta Donostiako Ibaetako kanpusean egingo duten elkarretaratzearekin bat egingo dute. Bihar hautetsien txanda izango da: Lezoko, Pasaiako (Donibanen), Errenteriako eta Oiartzungo udaletxeen aurrean bilduko dira presoen alde.
