Olatu handiak lehertzen diren lekuetatik eta itsas pasealeku eta kai muturretatik urruntzera deitu dute
SOS Deiak -ek hainbat aholku luzatu dizkie herritarrei denboralearen aurrean babesteko, prebentziorako eta larrialdi kasuetarako. Izan ere, gaurko haizetea eta olatu handiak iragarri dituzte, eta herritarren segurtasuna bermatzeko dira ondoko neurriak.
Prebentziorako
-Ez bainatu urruneko hondartzetan, behar beste ezagutzen ez dituzunetan edo zaintza eta salbamenduko zerbitzurik ez daukaten hondartzetan.
-Ezta olatu handiak edo tirain handia dagoen lekuetan ere ez.
-Urrundu olatuak lehertzen diren lekuetatik (haitz, kai-mutur, moila…).
-Ez hurbildu itsas pasealeku, kai-mutur edo itsas labarretara. Uraren indar handiak eraman egin zaitzake.
-Ez joan ibilgailuz kostako errepideetan.
-Urpekaritza egitekoa bazinen, utzi beste baterako.
-Saiatu ontzirik ez erabiltzen, eta begiratu zurea ondo amarratuta dagoen. Ez egin uretako kirolik, ezta inondik ere.
Larrialdietan hartu beharreko neurriak:
-Itsasora erortzen bazara, urrundu olatuak lehertzen diren lekutik, laguntza eskatu eta itxoin erreskatatu arte.
-Olatuek eramaten bazaituzte, lasai egon, eta ez egin igeri korrontearen kontra; kostako korronteek indarra galtzen dute tarte batzuetan.
-Larrialdietan, deitu 112 zenbakira.
