Atletismo eskolako ikasleek lan ona egin dute Irunen
EATko atletismo eskolako ikasleek lan ona egin zuten igandean Plaiaundiko atletismo pistan jokatutako txapelketan. Izan ere, atleta gazteek, bost lehenengo postu eta hiru bigarren eskuratu zituzten egindako hainbat mailatako probetan. Nesken Haurren Ma...
EATko atletismo eskolako ikasleek lan ona egin zuten igandean Plaiaundiko atletismo pistan jokatutako txapelketan. Izan ere, atleta gazteek, bost lehenengo postu eta hiru bigarren eskuratu zituzten egindako hainbat mailatako probetan.
Nesken Haurren Mailan, Maialen Alzugaraik garaipena lortu zuen 150 metroko proban, eta baita jauzi hirukoitzekoan ere. Mutiletan, Aitor Aguadok hirugarren postua eskuratu zuen. Aintzane Pescador eta Arrate Holgadok berriz, lehenengo eta bigarren postuak eskuratu zituzten, hurrenez hurren, 3.000 metroko proban. Amaia Narbarte lehenengo sailkatu zen disko jaurtiketan, eta Melany Bujan bigarrena izan zen proba horretan.
Nesken Alebin Mailan, Josune Bermudez atletak lehenengo postua lortu zuen 2.000 metroko proban, eta bigarren postua 60 metrokoan. Proba berberean, baina mutiletan, bigarren sailkatu zen Oier Castillo gaztea. Izaro Irastorza, berriz, bigarren izan zen pilota jaurtiketa proban.
Txingudiko krosa
Emaitzekin pozik daude atletismo eskolako arduradunak: “Ikasleek egindako lana eta esfortzuaren erakusgarri dira”. Halaber, datorren igandean egingo duten Txingudiko Krosean EATko atletek “emaitza onak lortzea” espero dutela zehaztu dute.
