Iban Angulo bigarrena izan da Espainiako Txakurkros eta Mushing Txapelketan
Txakurkrosa Oarsoaldean taldeko kideek emaitza onak lortzen hasi dute denboraldia. Iban Angulo lezoarrak bigarren postuan sailkatzea lortu zuen lehengo asteburuan Bartzelonan jokatu zuten Espainiako Txakurkros eta Mushing Txapelketan. Horrela, orain dela hiru aste taldeko kideek lortutako postu onak Bartzelonan ere errepikatu zituzten.
Bi saiotan egin zuten txapelketa, larunbatean eta igandean. Euriteen ondorioz, bi kilometro moztu behar izan zuten ibilbidea. Angulok azpitxapelduna izatea lortu zuen bost kilometroko pista lokaztuan. Bi txakurrek tiratutako patineko mailan izan zen onena lezoarra.
Datorren lasterketa Burgoseko San Adrian de Juarros herrian izango dute, eta Espainiako Kopan puntuak pilatzeko aukera probestu nahi dute.
Taldearen aurkezpena
Angulo Bartzelonan lehiatzen ari zen bitartean, taldea Zubietan aurkeztu zen. Taldeko argazkia atera zuten bertan, baita lasterkari bakoitzarena ere, eta aurtengo kirol jantziak erakutsi zituzten.
Horrez gain, eskerrak eman zizkieten babesleei (U51 kirol denda, Canun pentsuak, Mendiburu albaitaritza klinika eta Ogiberri).
Orain arteko emaitza onekin itxaropentsu daude txakurkroslarien taldekoak, eta datorren lasterketetan errepikatuko dituztela espero dute.
