Irundar batek Bahcotheoriginal saria irabaz dezake
Maria Rubio irundarrak grabatutako Run the world, fix the world (Korri egin mundua, konpondu mundua) izenburuko bideoak aukera asko ditu Bahco lanabes enpresak antolatutako Bahcotheoriginal nazioarteko lehiaketa irabazteko. Bahcotheoriginal Internet bi...
Maria Rubio irundarrak grabatutako Run the world, fix the world (Korri egin mundua, konpondu mundua) izenburuko bideoak aukera asko ditu Bahco lanabes enpresak antolatutako Bahcotheoriginal nazioarteko lehiaketa irabazteko.
Bahcotheoriginal Internet bidezko lehiaketa da, eta Rubiok Hondarribian eta Irunen grabatutako bideo dibertigarri batekin parte hartzen du.
Datorren ostirala arte dago bozkatzeko eukera, eta albistea idazteko unean Rubioren bideoa da ikusiena, 18.316 ikustaldirekin; bigarren Anna Marszaleek poloniarrarena doa, 15.916rekin, eta hirugarren Ricky Storberg suediarrarena, 5.136 baino gutxiagorekin.
Bideo bozkatuenaren egileak Volkswagen Transporter furgoneta bat irabaziko du.
Rubiori botoa eman nahi dionak lehiaketaren webgunean sartu (bahcotheoriginal.com) eta gehien ikusitakoen atalean Rubioren bideoa bozkatu besterik ez du egin behar.
