Olazabal parkearen diseinu berria onartu dute Alde Zaharreko bizilagunek
Harresi Bizilagunen Elkarteak eta Hondarribiko Udalak adostu duten Olazabal parkeko diseinu berria onartu dute Alde Zaharreko bizilagunek. Harresiko presidente Mikel Renteriaren arabera, «gune berde gehiago izatea eskatu genuen, eta hasierako diseinuetan baino gehiago daude orain». Udalak aurkeztu zuen lehenengo zirriborroa, bizilagunen arabera, «Olazabalgoa ez zen parke bat, zementuzko plaza baizik». Horregatik aurkako jarrera agertu zuten. Horrela, udalak otsailean bigarren proposamena aurkeztu zuen, non, haurrentzako parke bat, aisiarako gunea eta zuhaitzak nagusi ziren, «baina gune berderik gabe», gogoratu du Renteriak. 700 metroko berdegunea Adostu berri duten diseinuak, 700 metro koadroko gune berdea, 120 metro koadroko haurrentzako parkea, 170 metroko zementuzko gunea, eta zapaldu ezin daitekeen 100 metroko gune berdea izango ditu. «Gure ideia proiektu teknikoa izango da, hasierakoa baino merkeagoa, eta hobekuntzak emateko konpromisoa hartuko dugu», azaldu du Harresiko presidenteak.
Harresi Bizilagunen Elkarteak eta Hondarribiko Udalak adostu duten Olazabal parkeko diseinu berria onartu dute Alde Zaharreko bizilagunek. Harresiko presidente Mikel Renteriaren arabera, «gune berde gehiago izatea eskatu genuen, eta hasierako diseinuetan baino gehiago daude orain».
Udalak aurkeztu zuen lehenengo zirriborroa, bizilagunen arabera, «Olazabalgoa ez zen parke bat, zementuzko plaza baizik». Horregatik aurkako jarrera agertu zuten. Horrela, udalak otsailean bigarren proposamena aurkeztu zuen, non, haurrentzako parke bat, aisiarako gunea eta zuhaitzak nagusi ziren, «baina gune berderik gabe», gogoratu du Renteriak.
700 metroko berdegunea
Adostu berri duten diseinuak, 700 metro koadroko gune berdea, 120 metro koadroko haurrentzako parkea, 170 metroko zementuzko gunea, eta zapaldu ezin daitekeen 100 metroko gune berdea izango ditu. «Gure ideia proiektu teknikoa izango da, hasierakoa baino merkeagoa, eta hobekuntzak emateko konpromisoa hartuko dugu», azaldu du Harresiko presidenteak.
Hobekuntzak egiteko konpromisoa hartu du Harresik.
