Kontsumo Arduratsuaren Azokan izena emateko azken eguna da gaur
Larunbatean Kontsumo Arduratsuaren Azoka egingo dute Lezon. Herritarrentzako erakusmahaiak jarriko dituzte, eta gaur arte eska dezakete bere txokoa. Herritarrek zein elkarteek eskuko edozein material saldu dezakete: arropak, liburuak, jostailuak, etxeko tresnak… Horrela, herritarrek (edota elkarteek) erabiltzen ez dituzten objektuei irtenbidea eman nahi diete. Izan ere, azokaren helburua hondakinak murriztea eta berrerabiltzea da. Izena eman nahi duenak 943 49 22 15 telefono zenbakira deitu behar du, edo info@izadi21.net helbide elektronikora bidal dezake mezua. Konfirmatutako postuak Karlos Saldise plazan jarriko dituzte erakusmahaiak, 11:00etatik 14:30era, eta hainbat arlo jorratuko dituzte bertan. Bigarren eskuko objektuak salduko dituztenen artean euren presentzia ziurtatu dute Paleike elkarteak (paleak berrerabiltzen dituzte), Emausek eta Itsas Gelak. Hala ere, ez dira bakarrak izango. Herriko ikastetxeek ere postua jarriko dute, Eskola 21 Agendaren barrukoa. Bestalde, Lezoko Udalak ere bere txokoa izango du. Bertan, udala ingurumenaren arloan egiten ari den lana jakinaraziko diete herritarrei. Horrela, autokonpostajeari buruzko informazioa emango dute, baita legegintzaldi honetan martxan jarri nahi dituzten herri-lurretako baratzeen gainekoa ere. Horrez gain, bigarren eskuko liburuak salduko dizkiete herritarrei. Eguneroko erosketak egiterakoan berrerabilpena sustatzeko asmoz, udalak plastikozko 2.000 poltsa berrerabilgarri banatuko ditu, Zaborrik gabe, bizi baietz! leloarekin. Soberan baleude, herriko komertzioei emango dizkiete. Ez da banatuko duten bakarra izango. Izan ere, azoka [...]
Larunbatean Kontsumo Arduratsuaren Azoka egingo dute Lezon. Herritarrentzako erakusmahaiak jarriko dituzte, eta gaur arte eska dezakete bere txokoa.
Herritarrek zein elkarteek eskuko edozein material saldu dezakete: arropak, liburuak, jostailuak, etxeko tresnak… Horrela, herritarrek (edota elkarteek) erabiltzen ez dituzten objektuei irtenbidea eman nahi diete. Izan ere, azokaren helburua hondakinak murriztea eta berrerabiltzea da. Izena eman nahi duenak 943 49 22 15 telefono zenbakira deitu behar du, edo info@izadi21.net helbide elektronikora bidal dezake mezua.
Konfirmatutako postuak Karlos Saldise plazan jarriko dituzte erakusmahaiak, 11:00etatik 14:30era, eta hainbat arlo jorratuko dituzte bertan. Bigarren eskuko objektuak salduko dituztenen artean euren presentzia ziurtatu dute Paleike elkarteak (paleak berrerabiltzen dituzte), Emausek eta Itsas Gelak. Hala ere, ez dira bakarrak izango. Herriko ikastetxeek ere postua jarriko dute, Eskola 21 Agendaren barrukoa. Bestalde, Lezoko Udalak ere bere txokoa izango du. Bertan, udala ingurumenaren arloan egiten ari den lana jakinaraziko diete herritarrei. Horrela, autokonpostajeari buruzko informazioa emango dute, baita legegintzaldi honetan martxan jarri nahi dituzten herri-lurretako baratzeen gainekoa ere. Horrez gain, bigarren eskuko liburuak salduko dizkiete herritarrei. Eguneroko erosketak egiterakoan berrerabilpena sustatzeko asmoz, udalak plastikozko 2.000 poltsa berrerabilgarri banatuko ditu, Zaborrik gabe, bizi baietz! leloarekin. Soberan baleude, herriko komertzioei emango dizkiete. Ez da banatuko duten bakarra izango. Izan ere, azoka bukatzean mokadutxoa jateko aukera izango dute hurbiltzen direnek.
Europako astearen baitan Aste honetan Hondakinen Prebentzioaren Europako Astea ospatzen ari dira. Lezok lehen aldiz bat egin du ekimen horrekin, eta horregatik antolatu du larunbateko azoka.
