Fotoprix liga irabazteko faboritoa mendean hartu dute Leka Eneako neskek
Sekulako balentria egin zuen Emakumeen Superdibisioko Leka Eneak liga irabazteko faboritoetako bat den Fotoprix Vic taldearen kontra (3-2). Irundarrek denboraldiko partidarik hoberena jokatu zuten, eta Tong Tang nabarmendu zen. Bere bi banakako partidak irabazi zituen, eta baita binakakoa ere, Nelly Sibleyrekin bikotea eginez. Lehen partidan Espainiako jokalari onena den Sara Ramirez gainditu zuen Tang txinarrak (3-1). Bigarren partidan Sibleyk Mathilda Ekholm suediarraren kontra galdu zuen (1-3), ondo jokatu arren. Irene Muñoz gazteak garbi galdu zuen Wan Tanen aurka, eta katalanek abantaila lortu zuten markagailuan; eta ondoren etorri zen ezustekoa. Lehenik Tang eta Sibley Vicekoen bikotearen gainetik pasatu zen (3-0), eta ondoren Sibleyk Ramirez gainditu zuen berriro, erraz gainera (3-0). Eta, markagailuak 3-2koa azaltzen zuenean, bi txinatarrek partida erabakiorra jokatu zuten. Lehen bi setak Fotoprixekoarentzat izan zen, baina Tangek beste hiruak irabazi zituen errezkan. Ondoren, espero bezala, Ekhlomek hirugarren puntua lortu zuen katalanentzat. Ezusteko garaipen horri esker, Leka Eneak bi partidako tartea ireki du jaitsiera postuekiko. Mutilak ere nagusi Gizonen Superdibisioko Leka Enea garaipenen bidera itzuli da, azken hiru partidak galdu eta gero. Irundarrek Sabadellgo Falcons mendean hartu zuten larunbatean (3-0), eta sailkapeneko seigarren tokia hartu dute, hots, play-offak jokatzeko aukera ematen duen azken tokia. Orain arte hiru partida irabazi eta [...]
Sekulako balentria egin zuen Emakumeen Superdibisioko Leka Eneak liga irabazteko faboritoetako bat den Fotoprix Vic taldearen kontra (3-2). Irundarrek denboraldiko partidarik hoberena jokatu zuten, eta Tong Tang nabarmendu zen. Bere bi banakako partidak irabazi zituen, eta baita binakakoa ere, Nelly Sibleyrekin bikotea eginez.
Lehen partidan Espainiako jokalari onena den Sara Ramirez gainditu zuen Tang txinarrak (3-1). Bigarren partidan Sibleyk Mathilda Ekholm suediarraren kontra galdu zuen (1-3), ondo jokatu arren. Irene Muñoz gazteak garbi galdu zuen Wan Tanen aurka, eta katalanek abantaila lortu zuten markagailuan; eta ondoren etorri zen ezustekoa.
Lehenik Tang eta Sibley Vicekoen bikotearen gainetik pasatu zen (3-0), eta ondoren Sibleyk Ramirez gainditu zuen berriro, erraz gainera (3-0). Eta, markagailuak 3-2koa azaltzen zuenean, bi txinatarrek partida erabakiorra jokatu zuten. Lehen bi setak Fotoprixekoarentzat izan zen, baina Tangek beste hiruak irabazi zituen errezkan. Ondoren, espero bezala, Ekhlomek hirugarren puntua lortu zuen katalanentzat.
Ezusteko garaipen horri esker, Leka Eneak bi partidako tartea ireki du jaitsiera postuekiko.
Mutilak ere nagusi
Gizonen Superdibisioko Leka Enea garaipenen bidera itzuli da, azken hiru partidak galdu eta gero. Irundarrek Sabadellgo Falcons mendean hartu zuten larunbatean (3-0), eta sailkapeneko seigarren tokia hartu dute, hots, play-offak jokatzeko aukera ematen duen azken tokia. Orain arte hiru partida irabazi eta lau galdu ditu Leka Eneak.
Leka Eneak hutsean utzi zuen Falcons, baina horrek ez du esan nahi norgehiagoka erreza izan zenik. Hiru partidak oso borrokatuak izan ziren: Zhang Sining txinarrak Pere Weisz menderatu zuen (3-2), 1-2ko partzialari buelta eman eta gero; Zoltan Batorfi kroaziarrak eta Endika Diez gasteiztarrak emaitza berarekin irabazi zuten (3-1), Marc Caymelen eta Ferran Brugadaren kontra, hurrenez hurren.
Larunbatean Caja Burgosen aurka ariko dira Leka Eneakoak, kanpoan.
