Beren autoan 40 kilo haxix zituen 28 urteko gaztea atxilotu du Ertzaintzak
Bere autoan 40 kilo haxix gordetzen zituen gazte bat atxilotu du Ertzaintzak Pasaian. Polizia iturriek azaldu dutenez, atxiloketa honekin bukatutzat eman dute lehengo abuztuan hasitako operazioa. Abuztuan, 31 eta 35 urteko bi lagun atxilotu zituen Ertz...
Bere autoan 40 kilo haxix gordetzen zituen gazte bat atxilotu du Ertzaintzak Pasaian. Polizia iturriek azaldu dutenez, atxiloketa honekin bukatutzat eman dute lehengo abuztuan hasitako operazioa. Abuztuan, 31 eta 35 urteko bi lagun atxilotu zituen Ertzainak Errenterian, autoan, lau kilo haxix zituztenak. Aipatu bi lagunak Pasaiako garaje baten ondoan ikusi zituen Ertzainak, eta garaje hori trafikorako erabilia izan zitekeela susmatuta, ordutik tokia zaintzen ibili dira. Pasaian atxilotutako gaztea handik irteten ikusi zuten, eta atxilotzera joan zirenean, gaztea ihes egiten saiatu zen, kilo bat haxix zuen poltsa bota ondoren. Ertzaintzak gaztea atxilotu eta bere autoa miatuz topatu ditu 40 kilo haxix.
