Herri kantuek ere tartea egingo diete Santa Zezilia zikloan
AMA Andra Mari Abesbatzaren Santa Zezilia musika zikloak 29. urtea izango du aurtengoa, eta ekitaldi honetan lehen aldiz, herri kantuei egingo diete tartea. Horrenbestez, kantu jira edo mutxikoak ikusi eta entzuteko aukera izango da, etzitik hilaren 20ra. Horixe izango da beste berritasunetako bat: data. Aurten, astebete aurreratu dute zikloa. Mari Carmen Garmendia AMAko presidentearen arabera, aurtengo Santa Zezilia asteak “sekula izan duen parte hartze handiena edukiko du”. Partaideak mota askotakoak izango dira, “umeetatik hasi eta helduetara arte”. Eta musika ere askotarikoa izango da, «erakargarria, alaia, eta guztientzako egokia», Garmendiaren esanetan. Aurtengo egitarauetik ere Landarbaso Abesbatzaren parte hartzea nabarmendu dute antolatzaileek. Aurten hogei urte bete dituela eta, kontzertua emango du Fatimako elizan, hilaren 19an (larunbata). Garmendiak antolakuntzaren atzean egon direnei ere egin die keinua, eta “lan handia” egin dutela eta boluntario moduan aritu direla jakinarazi du. Irune Balentziaga Kultura zinegotziak, bestalde, herritar guztiei egin die deia datorren astean zehar izango diren ekitaldietan parte hartzeko. Egitaraua Hilak 12, larunbata. Kantu jira, Errenteriako Udal Txistu Taldearekin, 12:00etan, udaletxeko arkupeetatik. Hilak 13, igandea. Mutxikoak, 12:00etan, Herriko plazan. Hilak 15, asteartea. Andra Mari Abesbatzaren harrobia: Musika Tailerra, Orereta Txiki eta Oinarri abesbatzak, 20:00etan, Fatimako elizan. Hilak 16, asteazkena. Errenteria Musikaleko Orkestra eta ikasleen bandak kontzertua [...]
AMA Andra Mari Abesbatzaren Santa Zezilia musika zikloak 29. urtea izango du aurtengoa, eta ekitaldi honetan lehen aldiz, herri kantuei egingo diete tartea. Horrenbestez, kantu jira edo mutxikoak ikusi eta entzuteko aukera izango da, etzitik hilaren 20ra. Horixe izango da beste berritasunetako bat: data. Aurten, astebete aurreratu dute zikloa.
Mari Carmen Garmendia AMAko presidentearen arabera, aurtengo Santa Zezilia asteak “sekula izan duen parte hartze handiena edukiko du”. Partaideak mota askotakoak izango dira, “umeetatik hasi eta helduetara arte”. Eta musika ere askotarikoa izango da, «erakargarria, alaia, eta guztientzako egokia», Garmendiaren esanetan.
Aurtengo egitarauetik ere Landarbaso Abesbatzaren parte hartzea nabarmendu dute antolatzaileek. Aurten hogei urte bete dituela eta, kontzertua emango du Fatimako elizan, hilaren 19an (larunbata).
Garmendiak antolakuntzaren atzean egon direnei ere egin die keinua, eta “lan handia” egin dutela eta boluntario moduan aritu direla jakinarazi du.
Irune Balentziaga Kultura zinegotziak, bestalde, herritar guztiei egin die deia datorren astean zehar izango diren ekitaldietan parte hartzeko.
Egitaraua
Hilak 12, larunbata. Kantu jira, Errenteriako Udal Txistu Taldearekin, 12:00etan, udaletxeko arkupeetatik.
Hilak 13, igandea. Mutxikoak, 12:00etan, Herriko plazan.
Hilak 15, asteartea. Andra Mari Abesbatzaren harrobia: Musika Tailerra, Orereta Txiki eta Oinarri abesbatzak, 20:00etan, Fatimako elizan.
Hilak 16, asteazkena. Errenteria Musikaleko Orkestra eta ikasleen bandak kontzertua emango dute, 20:00etan, Fatimako elizan.
Hilak 18, ostirala. Errenteriako Musika Kultur Elkarteko Bandaren kontzertua, 20:00etan, Fatimako elizan.
Hilak 19, larunbata. Landarbaso Abesbatzaren 20. urteurrenaren kontzertua, 20:00etan, Fatimako elizan.
Hilak 20, igandea. Errenteriako Udal Txistulari Taldearen diana, 10:00etan, Erdialdetik Amulleta Danborraren Kofradian bukatzeko; 12:00etan, Xenpelar Bertso Eskolako kideen bertso saioa udaletxeko arkupeetan; 12:30ean, txistu kontzertua udaletxeko arkupeetan.
