Allerru Bk sendo jarraitzen du bigarren postuan
Allerruren gizonezkoen bi futbol talde nagusiek bolada berberarekin jarraitzen dute, lehen taldeak txarrarekin eta bigarrenak onarekin. Allerru Bk Erregional Lehen Mailako taldeak bigarren postuan sendo jarraitzen du. Pasa den larunbatean Touring Bri i...
Allerruren gizonezkoen bi futbol talde nagusiek bolada berberarekin jarraitzen dute, lehen taldeak txarrarekin eta bigarrenak onarekin. Allerru Bk Erregional Lehen Mailako taldeak bigarren postuan sendo jarraitzen du. Pasa den larunbatean Touring Bri irabazi zion, 2-0, Plazetan jokatutako partidan. Orain hemeretzi puntu dituzte lezoarrek, Urnieta liderrarengandik garaipen bakarrera.
Erregional Preferenteko taldeak ez du burua altxatzen. Tolosa Bren kontra jokatu zuten etxetik kanpo. Gol bateko aldeagatik galdu zuten zuri-berdeek: 3-2. Dituzten zazpi puntuek hamabigarren tokian uzten dute taldea. Astigarragako Mundarro taldearen kontra daukate egoerari buelta emateko aukera, asteburuan.
Areto futbolari dagokionez, Allerru-Jaizkibelek hiruna berdindu zuen Azpeitiko Zurt taberna taldearen kantxan. Denboraldiko bosgarren puntua lortu dute lezoarrek.
Saskibaloi taldeak, berriz, galdu egin zuen etxean. Lau puntuko aldea atera zion Internacional taldeak: 62-66.
