Aduana arratsalde eta larunbatetan irekitzeko eskatu du Irungo Udalak
Ostiralean egindako bileran, Irungo Udaleko Bozeramaileen Batzordeak kezka adierazi zuen uztailean Zerga Administrazioko Espainiako Agentziak (ZAEA) Aduanako bulegoetan ezarritako ordutegi murrizketarengatik, eta atzera egitea egiteko eskatzen dion testu bat onartu zuen, ahobatez. Abuztuaren 1ean erabaki zuen Zerga Agentziak Irungo Aduanako ordutegia murriztea. Ordura arte, lanegunetan goizez eta arratsaldez, eta larunbat goizetan ematen zuen zerbitzua aduanak; abuztutik larunbatetan itxita dago, eta astelehenetik ostiralera, goizez irekitzen dute soilik. Europako Batasunekoak ez diren garraioen inportazioak eta esportazioak jasotzen ditu aduanak, eta jarduera ekonomiko garrantzitsua da hiriarentzat. Batzordeak uste du ordutegi murrizketarekin garraio enpresa askok beste aduanetara joateko erabakia hartuko dutela, horien ordutegia ez dutelako murriztu. Horregatik, bozeramaileek hiru puntuko ebazpena onartu zuten ostiralean. Lehenengoan, udalak bere kexka agertzen du «aduanako bulegoetako ordutegi murrizketak merkantzien garraioan eragin dezakeelako». Bigarrenean, garraio arloarekin elkarlanean borroka egiteko konpromisoa agertzen dute, erabakiak kalte ekonomikorik eragin ez dezan. Eta azkenik, Zerga Agentziari atzera egiteko eskatzen diote, «Irungo aduanak, beste aduanen baldintza berberetan jardun ahal izateko».
Zaisako eremuan daude aduanako buelgoak
Ostiralean egindako bileran, Irungo Udaleko Bozeramaileen Batzordeak kezka adierazi zuen uztailean Zerga Administrazioko Espainiako Agentziak (ZAEA) Aduanako bulegoetan ezarritako ordutegi murrizketarengatik, eta atzera egitea egiteko eskatzen dion testu bat onartu zuen, ahobatez.
Abuztuaren 1ean erabaki zuen Zerga Agentziak Irungo Aduanako ordutegia murriztea. Ordura arte, lanegunetan goizez eta arratsaldez, eta larunbat goizetan ematen zuen zerbitzua aduanak; abuztutik larunbatetan itxita dago, eta astelehenetik ostiralera, goizez irekitzen dute soilik. Europako Batasunekoak ez diren garraioen inportazioak eta esportazioak jasotzen ditu aduanak, eta jarduera ekonomiko garrantzitsua da hiriarentzat.
Batzordeak uste du ordutegi murrizketarekin garraio enpresa askok beste aduanetara joateko erabakia hartuko dutela, horien ordutegia ez dutelako murriztu.
Horregatik, bozeramaileek hiru puntuko ebazpena onartu zuten ostiralean. Lehenengoan, udalak bere kexka agertzen du «aduanako bulegoetako ordutegi murrizketak merkantzien garraioan eragin dezakeelako». Bigarrenean, garraio arloarekin elkarlanean borroka egiteko konpromisoa agertzen dute, erabakiak kalte ekonomikorik eragin ez dezan. Eta azkenik, Zerga Agentziari atzera egiteko eskatzen diote, «Irungo aduanak, beste aduanen baldintza berberetan jardun ahal izateko».
