Autobusen maiztasuna areagotzeko eskatu du Bilduk
Donostiara joateko dauden autobusen maiztasun urria ikusita, Hondarribiko Bilduk zerbitzu hori areagotu, eta herri barruan norabide eta geltoki gehiago jartzeko eskatu dio Unai Erroitzenea Foru Aldundiko Mugikortasun Saileko zuzendariari. Ostegunean bi...
Donostiara joateko dauden autobusen maiztasun urria ikusita, Hondarribiko Bilduk zerbitzu hori areagotu, eta herri barruan norabide eta geltoki gehiago jartzeko eskatu dio Unai Erroitzenea Foru Aldundiko Mugikortasun Saileko zuzendariari. Ostegunean bildu zen Ibai Labaien Bilduko kidea Erroitzienearekin, herriko garraio publikoari buruz hitz egiteko.
Autobusaz gain, metro edo tranbiaren aukera ere eztabaidatu zuten. “Aldundian aurkitu duten diru zuloarekin, eta Bidegik daukan 900 milioi euroko zorrarekin, ez dute, momentuz behintzat, lan horiek aurrera eramateko ahalmenik, baina autobusen maiztasunak aztertzeko aukera ikusten dute”, azaldu du Hondarribiko Bilduk. Egun Donostiara autopistaz doan autobusen maiztasuna 60 minutukoa da, eta 40 minutukoa izateko eskatu dute.
Hiru autobus Donostiara
Donostiara hiru autobus ateratzen dira hiritik. Autopistatik doazen zuzeneko bi: bata Donostiako erdigunera eta bestea Ibaetara, eta herriz herrikoa. Irunera joateko bi autobus daude.
