Kabareta, Orratxen eskutik
Kabareta ekarriko du Orratx! antzerki taldeak, datorren asteburuan, Lezora. Hala ere, antzerki taldearen obrak ez du “glamourdun” kabareta, gain behera doan konpainia batena baizik: “Argiak erdipurdika, koloregabetutako dizdirak, urra...
Kabareta ekarriko du Orratx! antzerki taldeak, datorren asteburuan, Lezora. Hala ere, antzerki taldearen obrak ez du “glamourdun” kabareta, gain behera doan konpainia batena baizik: “Argiak erdipurdika, koloregabetutako dizdirak, urratutako lumak, oinetako zaharrak…” Hala, Hemen da kabareta obran, konpainiaren zuzendariak ahalbidetzen du egoera horrelakoa izatea. Izan ere, pertsonen sentimenduen eta ikuskizunaren beraren gainetik dirua du helburu zuzendariak.
Orratx! taldeak dantza, kantak, musika ikuskizunak, umorea eta dibertimendua eramango ditu Gezalako taulara. Saio bikoitza egingo dute. Lehenengoa ostiralean izango da, 22:30ean. Bigarrena, berriz, larunbatean, 19:00etatik aurrera. Txartelak bost euroko prezioa du.
