Arraunlariak omenduko dituzte etzi, afarian
Arraunaren festa antolatu du San Juanek etzirako. Urtero legez, arraunlariak omentzeko afaria antolatu dute, banderen bedeinkapenarekin bat eginez. Pasaia-Lezo Lizeoko jangelan izango da afaria, eta han egingo dituzte baita ere arraunlarien omenaldiari...
Arraunaren festa antolatu du San Juanek etzirako. Urtero legez, arraunlariak omentzeko afaria antolatu dute, banderen bedeinkapenarekin bat eginez.
Pasaia-Lezo Lizeoko jangelan izango da afaria, eta han egingo dituzte baita ere arraunlarien omenaldiari lotutako gainontzeko ekitaldi guztiak.
20:00etarako egin dute lehen deialdia, bideo eta argazki emanaldi berezia egingo dutelako lehenik, denboraldiko irudi adierazgarrienak erakusteko. Ondoren, 20:30ean, bandera bedeinkapena izango da eta ordu erdi beranduago hasiko da afaria.
Sari banaketa egingo dute afaria bukatzerakoan, eta gerria astintzen emango diote bukaera festari, Lizeoko jangelan bertan izango baita dantzaldia.
Herritarrei eta zaleei gonbitea
Arraunlarien omenaldia izanik, herritar eta zaletu orori irekiak dira ekitaldiak.
Afarirako txartelak dagoeneko eros daitezke. 25 euro balio du helduen txartelak, eta sei euro haurrenak. Helduek arrain pudina, piper beteak, urdaiazpikoa, porruak hostorean eta azpizuna plantxan jango dute. Postrerako berriz, trufa tarta. Kafea, eta cava kopa ere izango dute.
Haurrek makarroiak, oilaskoa eta izozkia jango dute.
