Lezoko Udalaren egoerari buruzko batzarra, ostiralean
Lezoko Udaleko Gobernu Taldeak batzarra antolatu du ostiralerako, “udalaren zerbitzuek hartu beharreko norabidea eta eman beharreko pauso guztiak herritarrekin” konpartitzeko, eta 2012ko aurrekontu proposamena lantzeko. Gezala Auditoriumean...
Lezoko Udaleko Gobernu Taldeak batzarra antolatu du ostiralerako, “udalaren zerbitzuek hartu beharreko norabidea eta eman beharreko pauso guztiak herritarrekin” konpartitzeko, eta 2012ko aurrekontu proposamena lantzeko. Gezala Auditoriumean izango da bilkura, 18:30etik aurrera.
Bilduko Gobernu Taldearen arabera, “2012rako aurrekontuak tentuz landu beharko dira, eta guztion artean lan egin beharko dugu Lezo zaindu eta lezoarron ongizateari eusteko». Hala, 2012ko aurrekontuak «egoera ekonomiko berrira” egokitu behar direla uste du Ainhoa Zabalo alkatea buru duen Gobernu Taldeak: “Orain egingo dugun ahaleginak gure herriaren eta ondorengoen etorkizuna zaintzeko balioko du”.
Lezoko elkarte, eragile eta norbanakoei batzarrera agertzeko eskatu die, lehentasunak “denen artean” ezarri nahi dituztelako, eta lezoarren iritzia jasotzea “ezinbestekoa” dela uste duelako.
